Hurrengo egunean, azaroak 25, barikua, puxikak askatuko dituzte eta egun horretako adierazpena irakurriko dute, 19:00etan, udaletxean. Horren ostean, mahai-ingurua egongo da, udaletxeko sarreran.
Egitarauagaz amaitzeko, azaroaren 26an, zapatua, "Cuaderno en blanco" antzezlana eskainiko du Hika taldeak. Hitzordua 20:00etan ipini dute, Kurtzio kultur etxean; eta sarrerak 5 euroan egongo dira salgai, ohiko lekuetan.
Elkar ikusi barik hogei urte igaro ostean, ustekabean topo egiten duten ahizpa biren istorioa kontatzen du Cuaderno en blanco antzezlanak: Begoñak eta Arratek bizitzarekiko muturreko jarrera ezberdin bi irudikatzen dituzten. Ama hil ostean, ahizpa biak aurrez aurre elkartzeak elkarri kontuak eskatzeko balioko du. "Ezer gutxi dakite amak batengan bestearengan utzitako arrastoez. Nahikoa lan izan du bakoitzak bere bizitza eraikitzen; nahikoa lan bizitzen", diote Hika taldekoek. Gatazka, emozioa, poetika eta umorea protagonista dauzkan istorio hunkigarria da. Itziar Ituño, Miren Gojenola eta Agurtxane Intxaurraga dira antzezleak.
Egitaraua
Azaroak 24, eguena
- 18:00 Sufragistas pelikula, Kurtzio kultur etxean. Gaztelaniaz. Sarrera, doan.
Azaroak 25, barikua
- 19:00 Puxikak askatzea eta adierazpenaren irakurketa, udaletxean. Horren ostean, mahai-ingurua egingo dute, udaletxeko sarreran.
Azaroak 26, zapatua
- 20:00 Hika taldearen Cuaderno en blanco antzezlana, Kurtzio kultur etxean. Gaztelaniaz. Sarrera: 5 euro.