Kasu honetan, Sopelako Udaltzaingoak, lokalaren errentari eta bezeroen arteko harreman arraroak detektatu zituen beste behin. Bezeroak tabernara heldu eta denbora gutxi egiten zuten bertan;
Ikerketa zabaldu ostean, Udaltzaingoak hainbat droga kopuru hartu zizkien tabernako zenbait bezerori, haxix puskak tarteko. Azken konfiskazioa atzo goizean izan zen; udaltzaingoaren patruila batek bezero bati lokalean erosi berri zuen haxixa konfiskatu zion.
Polizia-operazioa martxan jarri ostean, Udaltzaingoko eta Ertzaintzako zenbait agente tabernara sartu eta erregistroari ekin zioten. Dirua eta hutsik zeuden zenbait garagardo botilen barruan substantzia marroiez zikindutako zorroak konfiskatu zituzten. Zorro hauek "merkantzia" bezeroen artean zabaltzeko erabiltzen zituzten, Udalak dioenez.
Ondorioz, zerbitzaria atxilotu zuten, substantzia estupefazienteen trafikoa leporatuta; taberna itxi dute, prebentzio neurri gisa.