Kultura  Sopela 2017-03-03 13:00

"Euria" lana antzeztuko du Markeliñek, Sopelan

Markeliñe antzerki-taldeak "Euria" izenburuko ikuskizun familiarra eskainiko du, Kurtzio kultur etxean, domeka honetan, martxoaren 5ean. Emanaldia arrastiko 06:00etan izango da, eta sarrerak 3 euroan daude salgai umeentzat, ohiko lekuetan; helduek 5 euro ordaindu beharko dituzte.

Antzezlan honek "berba" egiten du zerbait maite eta galtzen dugunean gertatzen zaigunaren eta sentitzen dugunaren inguruan, eta, jakina, gainditzeko dugun gaitasunaren gainean.

Euria berbarik gabeko obra da, eta eszenak forma bisualetan oinarrituz kontatzen dira. Elkarren ondoan ipinitako lengoaia osagarriak izango dira antzerkia eta dantza, istorioaren esanetara, Markeliñe taldeko kideek zehaztu dutenez. Dantzatutako antzerki garbi horretan, protagonistak aterki bigaz daukan elkarbizitza berezia kontatzen digu. Ur-tantak daude, aterki biakaz bizi den pertsonaia, lanabes kaxa bat, gauzak eskegitzeko kakoak, plantxa ero bat, abesti triste baten gaineko keinu ederrak, berokia, kanpora ematen duen leiho bat, oroitzapenen iratzargailua, eta marraztutako eguzkia ere bai.

2017/03/05 18:00

Kurtzio kultur etxea Sopela

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa