Politika 2004-03-23 22:37

Bakea eta Tolerantziaren aldeko usoa aurkeztuko dute, gaur asteazkena, Sopelan

Erabiltzailearen aurpegia Ukberri Udaletxeko hallean, “Bakea eta Tolerantziaren aldeko Usoaren” aurkezpena burutuko da 19:00etatik aurrera. Sopelako Institutoko ikasleek margozturik eta beraien irakasleek koordinaturik, Roberto Zalbidea artistak egin du usoaren diseinua. Beiraz egindako eskultura, herriko jendeari aurkeztuko diote biharko ekitaldian. Usoak askatu eta lunch-a ere egongo da bertan. Udalak sopeloztar guztiak gonbidatzen ditu ekitaldira.
  Jendartea 2004-03-17 21:41

"Hondartza garbitzera anima zaitez!" kanpaina egingo dute Atxabiribilen

Erabiltzailearen aurpegia Ukberri Gazteek hondartza garbi dezatela sustatu nahian antolatutako kanpainaren berri emango die, martxoaren 18tik (bihar) aurrera, Ander Deuna Ikastolako, Zipiriñe Eskolako eta Sopelana BHIko ikasleei Sopelako Udalak. Petxa-Txuri Surf taldeak antolatuta eta Surfrider Foundationek koordinatuta dago egitasmoa. Martxoaren 20an (larunbata) egingo da, 11:00etatik aurrera, Atxabiribil hondartzan.
  Jendartea 2004-03-15 23:35

Wi-fi sarea jartzen lehendabiziko herrietariko bat izango da Sopela

Erabiltzailearen aurpegia Ukberri Kablerik gabe internetera konektatzeko wi-fi sarea aurkeztu die gaur komunikabideei, ostalariei, eta orohar, sopeloztar guztiei Imanol Garai alkateak. Izan ere, Sopelako biztanle guztiei eman nahi diote egitasmoaren berri, udalerria "teknologia berrien abanguardian egotea" nahi dutelako, Ricardo Ibarra Informazio, Komunikazio eta Turismo zinegotziak adierazi duenez.
2004-03-11 14:49

Atentuaren gaitzespenekin bat egin dute Barrika, Gorliz eta Sopelako Udalek

Erabiltzailearen aurpegia Ukberri Sopelako Udal Gobernuak erabat gaitzetsi du gaur goizean Madrilen izandako atentatua, Ricardo Ibarra bozeramalearen bitartez. Halaber, udaletxe aurrean, 20:00etan egingo den elkarretaratzean parte hartzera deitu ditu herritar guztiak.

Gorlizko Udalak, Patxo Igartua alkatearen bitartez, eta Barrikakoak ere atentatuak gaitzetsi eta bi herrietako udaletxe aurrean konzentratzera deitu dute.
  Jendartea 2004-03-08 18:54

Abadesolo kiroldegia erabiltzeko orduan zeuden murrizketak kendu dituzte

Erabiltzailearen aurpegia Ukberri Sopelako Abadesolo udal kiroldegiko bazkide kopurua handia dela eta, instalazio horiek erabiltzerako orduan, azken hilabetetan egon diren murrizketa guztiak kendu egin dituzte jada. Izan ere, arazo horri aurre egiteko irtenbidea bilatzea erabaki zuen Udalak. Azkenik, bi tornu jartzea erabaki dute, uneoro, igerilekuetan zein gimnasioan dagoen jende kopurua jakin ahal izateko.

Informatizatuta egoteaz gain, Sopelako Udalaren webgunearen (www.sopelana.net) lotura daukate bi tornuek, igerilekuetan zein gimnasioan momentu bakoitzean zenbat lagun dagoen jakiteko aukera izan dezaten bertara joan nahi duten guztiek, horrela, jende pilaketarik gertatu ez dadin.
  Politika 2004-03-03 22:07

"Candidato 2004" egitasmoan parte hartzeko ordenagailua jarri dute Sopelan

Erabiltzailearen aurpegia Ukberri "Herritar guztiei hauteskunde kanpainian parte hartzeko aukera" eskiaini nahi die, internet bidez, Sopelako Udalak. Hori dela eta, hautesgai guztiei zuzendu ahal izateko ordenagailua jarri dute udaletxeko hall-ean. Ricardo Ibarra alkateordeak adierazi duenez, Europa Press agentziak diseinaturiko 'Candidato 2004' proiektuari "laguntza xumea" eman nahi diote. Udalaren webgunean (www.sopelana.net) ere egistasmo horretan aritzeko lotura jarri dute.
  Iritzia 2004-02-27 22:01

Kalitate Legearekin bueltaka - Xabier Ugalde / Ander Deuna ikastolako zuzendaria

Erabiltzailearen aurpegia Ukberri Aurreko hilean LOCEren inguruko zenbait iritzi agertu nituen. Gaiak duen garrantzia ikusita, etapaz etapa proposatzen diren aldaketa nagusien laburpena ekarri nahi nuke bertora, betiere, jakinik lege horrek hainbat berrikuntza (atzerapausu) dakarrela eta denak jasotzea ez dela posible artikulutxo batean.
  Kultura 2004-02-24 22:03

Martxotik aurrera "Sopelanako Gauak" abian jarriko dute

Erabiltzailearen aurpegia Ukberri "Sopelanako Gauak" egitarauaz gozatu ahal izango dute martxotik aurrera herriko gazteak. Izan ere, Sopelako Kultur Arloak berriro ere martxan jarriko du egitasmoa, 12 eta 18 urte bitarteko sopeloztarrei hainbat tailer eskaintzeko asmoz. Asteburuko gauetan, gazteen aisialdialdirako alternatiba izan nahi du "Sopelanako Gauak" egitarauak.

Emilio Ramos Kultura zinegotziak adierazi duenez, "gazteentzako aisialdirako eskaintzan urritasun handiak dauden arren", antolatuko dituzten tailerren bitartez hori saihestu nahi dute. "Herriko gazteentzako oso interesgarriak izango dira seguraski", gaineratu du.
  Politika 2004-02-19 23:08

"Presoak Europara" ekimenaren gaineko hitzaldia ostiralean Larrabasterran

Erabiltzailearen aurpegia Ukberri Urtarrilean egindako "Presoak Europara" ekimena aurretik uste baino "positibo eta interesgarriagoa" gertatu da. Hori ikusita hitzaldiak antolatu diituzte eskualdeetan, bertan parte hartu zutenek beraiek ekimenaren emaitzak eta istorioak azaldu eta konpartitzeko. Besteak beste, ostiral honetan, Larrabasterrako Zaharren Egoitzaren aurreko lokalean egongo da solasaldia, 20:00etatik aurrera.
  Kultura 2004-02-19 21:56

"Inauteri Maskarada Festa" ostiral gauean Sopelan

Erabiltzailearen aurpegia Ukberri Sopelan egitarau zabala antolatu dute aurten Inauteriak ospatzeko. Otsailaren 20tik 29ra bitartean, hainbat ekitaldi egingo dituzte udaletxe aurrean jarritako karpan. Besteak beste, ostiral honetan, "Inauteri Maskarada Festa" ospatuko dute, 21:00etatik aurrera, Peñatxuri Elkartearen laguntzari esker. Bertan, diskoteka, karaokea, opariak... egongo dira. Sarrera euro batean egongo da eta udaletxeko hall-kulturalean zein herriko hainbat tabernatan erosi daiteke, esaterako: Laiak, Brendan´s, Ertza, Gurea, Batzokia, Denver, sertutxa, La Kala, El rincón de la Habana, Etxebarri, zuri Haitz eta El Sitio. Gainera, sarrerarekin batera maskara bat oparituko da eta horretan agertzen den zenbakiarekin zozketak egingo dira. Maskara ipinita eramatea derrigorrezkoa izango da karpan sartzeko.
  Jendartea 2004-02-16 20:12

Gurasoei ateak zabalduko dizkiete bihar Sopelako instutuan

Erabiltzailearen aurpegia Ukberri 2004-05 ikasturtean, euren seme-alabak lehendabiziko aldiz Sopelako Bigarren Hezkuntza Institutuan matrikulatu behar dituzten gurasoek zentroko instalakuntzak ezagutu ditzaten, ateak zabalik jardunaldia egingo da, otsailaren 17an (bihar), 18:00etatik aurrera. Horretaz gain, Hezkuntza Kalitatearen Lege Organikoaren (LOCE) berri eta Bigarren Hezkuntza Orokorraren nondik norakoak azalduko dizkiete aita-amei.
  Kultura 2004-02-13 20:06

Txitxiburduntzi Eguna ospatuko dute igandean Sopelan

Erabiltzailearen aurpegia Ukberri Ibilaldia 2004ko aurreko ekitaldien barruan, Txitxiburduntzi Eguna ospatuko dute, otsailaren 15ean, Sopelan. Goizeko hamarretan Ander Deuna Ikastolatik abiatuko dira bertan bildutakoak, Munarrekolandatik igaro eta, berriro ere bertara bueltatzeko, bi orduko ibilbidea egin eta gero. Haur bakoitzak makilatxoa (zotza) eraman beharko du lukainka erretzeko.
  Jendartea 2004-02-10 22:33

Sopelako hondartzetako sarbideak hobetuko dituzte

Erabiltzailearen aurpegia Ukberri Bizkaiko Foru Aldundiko Ingurumen Sailarekin elkarlanean udalerriko hondartzetara irisgarritasuna errazteko hainbat ekimen lantzen ari da Sopelako Udala. Besteak beste, zama-garraioak edo anbulantziak ez badira, motoredun ibilgailuak sartu eta irtetea debekatuko dute Barinatxen. "Hondartzan jarriko den ranpa egiteko orduan faktore guzti hauke kontutan hartuko dira. Gainera, oinezkoentzako sarbidea ere egongo da", Imanol Garai alkateak adierazi duenez. Atxabiribilen, berriz, eskailera berriak jarriko dituzte, aurrekoak baino zabalagoak. Izan ere, lehen zeudenak itxi behar izan zituzten egoera txarrean zeudelako. Honetan ere ranpa ipiniko dute eta sarbideak hobetzeko espaloiak ere bai. Gainera, trafikoa erregulatu ahal izateko erroronda egingo dute.
  Politika 2004-02-10 22:21

Bakearen aldeko kanpaina aurkeztuko dute bihar Sopelan Lasak eta Urkijok

Erabiltzailearen aurpegia Ukberri Bakea eta askatasunaren aldeko sentsibilizazio kanpainaren aurkezpeta hartuko du otsailaren 11an (bihar), arratsaldeko zazpi t'erdietatik aurrera, Sopelako Udaletxeak. Maixabel Lasa Biktimen Laguntzarako Bulegoko arduradunak eta Txema Urkijo Eusko Jaurlaritzako Giza Eskubide zuzendariak emango diote hasiera ekitaldiari. Horrekin batera, Terrorismoaren Biktimen aldeko Laguntza eta Sentsibilizazio Kanpainaren barruan Jaurlaritzak berak egindako bideoa eskainiko da.
  Jendartea 2004-02-06 19:58

Sopelako Udalak arazoak izan ditzake Wi-Fi sarea jartzeko

Erabiltzailearen aurpegia Ukberri Sustatu webguneak aditzera eman duenez, udalek arazoak izan ditzakete Internetera konektatzeko haririk gabeko sareak jartzeko. Izan ere, Wi-Fi izena daukaten erabilpen libreko sare horiek, zerbitzu publikoa ezin direla izan adierazi du espainiar estatuan sektore horretako liberalizazioa zaintzen duen Telekomunikazioen Merkatuko Komisioak (CMT). Sopelakoa izan zen, Euskaltelekin batera, mota honetako egitasmoa abian jartzeko asmoa adierazi zuen lehendabiziko udal euskalduna. Orain dela gutxi, Oñatikoak hartu du lekukoa zazpi udal eraikin Internet bidez lotzeko. Donostian aldiz, Cristina Enea parkean jarri nahi dute Wi-Fi sistema, bertatik Internetera konektatu ahal izateko. Gainera, sarea handitu nahi dute Boulevarrera, Alderdi Ederrera, Alde Zaharrera, Urgull mendira eta hondartzetara. Aurreko bietan dohainik eskainiko da zerbitzua eta Donostian ordainpekoa izateko aukerak aztertzen ari dira.
  Jendartea 2004-02-05 23:23

Toki-eder etxea erre egin da

Erabiltzailearen aurpegia Ukberri Sopelako Loroño kalean dagoen Toki-eder etxea erre egin da asteazken honetan. 19:45ak aldera, Udaltzaigoa eta Ertzaintza azaldu ziren aipatutako lekuan eta berehala Artatzako suhiltzaileei deitu zieten, suak tamaina handia hartzen ari zuelako. Bitartean, trafikoa moztu zuten udaltzinek istripu gehiagorik ez gertatzeko. Suhiltzaileak etorri orduko sua amatatzeari ekin zioten.

Oraindik sua zerk eragin zuen ez dakiten arren, baliteke norbaitek nahita eragina izatea, Udaltzaingoaren iturriek diotenez. Dena den, ez zen inor saurituta gertatu, baina etxeko barrualdea, teilatua zein lehioak kiskaldurik amaitu dira.

Gaur egun, ez zen inor bizi Toki-eder etxean. Erxebizitza berriak egiteko bota behar omen dute laster.
  Iritzia 2004-02-03 21:49

Espainiar estatuaren kalte zuzena jasaten dugu - Alberto Hernández / Irakaslea

Erabiltzailearen aurpegia Ukberri Espainiar estatuak kaltetu egiten nau etengabe, eskubide politikoak ukatzen dizkit, irakurri egiten ditudan aldizkari eta egunkariak ixten ditu, euskal herritar gisa bizitzea bortizki galerazten dit, euskararen alde lan egiten dutenak zigortzen ditu, lagunak espetxeratzen ditu, erahiltzen ez dituenean, haiek bisitatzeko eskubidea ukatu, senideengandik urrundu...
  Kultura 2004-01-29 21:04

'Emakumea eta Kirola' hitzaldia bihar Sopelako udaletxean

Erabiltzailearen aurpegia Ukberri Ibilaldia 2004ren eskutik, urtarrilaren 30ean, bihar hain zuzen ere, “Emakumea eta Kirola” izenburua duen hitzaldia egongo da Sopelanako udaletxeko Hall kulturalean, 19:30ean. Hitzaldi honetan parte hartuko dutenak honakoak dira: Emma Albizu surflaria, Irantzu Arondo sokatira munduko txapelduna, Jasone Iraragorri Athletic Clubeko zuzendaritzako kidea, Maria Mentxaka plater-tiroketan munduko txapelduna, Nerea Onaindia Athleticeko kapitaina eta Elaia Torrontegi taekwondo munduko txapelduna. Moderatzailea ere primerakoa izango da: Ana Urrutia, surflaria eta ETBko aurkezlea.
  Iritzia 2004-01-27 23:03

Kalitate Legerik ez! - Xabier Ugalde / Ander Deuna Ikastolako zuzendaria

Erabiltzailearen aurpegia Ukberri “La Economía Social en la Educación, Servicio Público” izenpean Ikastolen Elkarteak/Partaidek urtarrilaren 28an eta 29an Topaketak antolatu ditu Bilbon. Honako topaketa hauek iaz Donostian burututakoen jarraipena ditugu. Euskal Eskola Publikoaren Legeak 10 urte bete dituenean bada garaia balantzea egiteko eta aurrera begirako beharrezko berrikuntzen eta aldaketen eztabaidari ekiteko.
  Jendartea 2004-01-27 22:56

LPPk Sopelarako proposatzen duen etxe kopurua gutxitzea eskatuko du Udalak

Erabiltzailearen aurpegia Ukberri Bilbo Metropolitarreko Lurralde Plan Partzialari (LPP) aurkeztuko dizkion alegazioak jakitera eman zituen, atzoko ez-ohiko udalbatzarran, EAJk osatzen duen Sopelako Gobernu Batzordeak. Horrela, Bizkaiko Foru Aldundiko egitasmoak aurrikusten duen etxebizitza dentsitatea "gutxitzea" proposatuko dute, udalerrian dentsitate mailarik baxuena aplikatzea eskatuz, hau da, hektarea bakoitzeko 10 eta 30 bitarteko etxebizitza kopurua.

Nabarmenak

Zorion agurrak