Jendartea 2003-12-23 19:16

Zipiriñe ikastetxea handitzeko lanak egingo dituzte

Erabiltzailearen aurpegia Ukberri Zipiriñe ikastetxea handiago egiteko proiektua abian jartzea erabaki du Eusko Jaurlaritzako Hezkuntza Sailak. Izan ere, behin baino gehiagotan adierazi du Sopelako Udalak Haur eta Oinarrizko Hezkuntzako umeak hartzeko leku nahikorik ez zegoela zentroan. Obra horiei esker, hegal berri bat eraikiko dute, 2 eta 12 urte bitarteko haurrentzako.
  Iritzia 2003-12-22 22:01

Ibilaldi Aurrea - Xabier Ugalde / Ander Deuna Ikastolako zuzendaria

Erabiltzailearen aurpegia Ukberri Azken hilabetean Ibilaldi aurreko zenbait ekitaldi gauzatu dira gure inguruan. Eta hurrengo hileetan gero eta ugariagoak izango dira halakoak. Zertan esan beharrik ez dago Ibilaldi aurrekoak berez daukala garrantzi berezia. Halere, argi dago datorren urteko edizioak ohi baino indartsuagoa izan beharko duela egitaraua. Izan ere, Leioan eta Sopelanan Ibilaldia antolatzea eta herri batean burutu behar izatea ibilbidea bera, Ibilaldi aurreko presentzia nabarmen agertu beharko da Sopelanan. Ildo horretatik hainbat ideia, ekarpen, proposamen izan ditugu. Dena den, horren aurretik irizpide batzuk kontuan hartu behar ditugula uste izan dugu.
  Politika 2003-12-22 21:53

Presoen lagunen Olentzeroa Sopelan

Erabiltzailearen aurpegia Ukberri Presoen lagunen Olentzeroa kalerik kale ibiliko da martitzenean, abenduak 23an. Geldialdia 19:00etan egingo da Herriko Tabernan eta Olentzeroa 20:00etan urtengo da udaletxe plazatik. Olentzeroagaz batera auzorik auzo ibiliko gara gabon kantak abestuten musikak lagunduta. Jendeari baserritarrez jantzita etortea eskertuko jakon.
  Politika 2003-12-19 21:08

EHNA Sopelan

Erabiltzailearen aurpegia Ukberri EHNAren tramitatze ekimenari jarraipena emoteko aukera emongo dio Sopela Aurrerak. Astelehenetan 18:30etik 20:00etara Sopela Aurrerak kultur etxean duen bulegoan eta urtarriletik aurrera hileko azken zapatuetan kalean jarriko diren mahaietan lortu ahal izango da.
  Kultura 2003-12-17 21:37

Takolo, Pirritx eta Porrotxen azken lana ostiralean Ibilaldia 2004ren eskutik

Erabiltzailearen aurpegia Ukberri Ibilaldia 2004ko aurreko ekitaldien barruan, 'Poxpolin Marisorgin' euren azkeneko lana estreinatuko dute Takolo, Pirritx eta Porrotx pailasoek, abenduaren 19an, Sopelako Urko kiroldegian. Besteak beste, bi saio egongo dira: bata, 17:00etan, eta bestea, 19:30ean. Betiko eta Ander Deuna ikastoletan, Sopelako Udaletxeko Hall Kulturalean eta, Sopela eta Leioako Ibilaldiko dendetan daude salgai sarrerak, bost euro ordainduta.
  Jendartea 2003-12-15 22:24

Ikasketa-gela berria ireki dute Sopelako Institutuan

Erabiltzailearen aurpegia Ukberri Otsailaren 15a bitartean, ikasketa-gela zabaldu dute Sopelako Institutuan. Ricardo Ibarra Sopelako Udaleko alkateordeak adierazi duenez, hasiera batetan, unibertsitateko ikasleentzako irekitzea aurrikusi duten arren, "horrek ez du esan nahi beste batzuk sartu ezin izango direnik". Hori bai, Udal Liburutegiko bazkideentzako pentsatuta dago ikasketa-gela.
  Kultura 2003-12-13 21:52

Gabonetako Ibilaldia

Erabiltzailearen aurpegia Ukberri Jakin dakizuenez, Ibilaldiak hamaika ekitaldi antolatzen ari da beste gauza askoren artean, eta hortaz, ezin pentsa genezakeen Gabonetan ez zuela ezer prestatuko.

Lehendabiziko ekitaldiak abenduaren 19an, barikuan izango dira. Aipatutako egunean Takolo, Pirritx eta Porrotx pailazoek euren azken ikuskizuna estreinatuko dute Sopelako Urko kiroldegian arratsaldeko zazpi t’erdietatik aurrera. Egun bardinean Olentzero jaia egongo da Leioako Betiko ikastolan. Pailazo ikuskizunerako sarrerak Sopelako Udaletxeko Hall Kulturalean, Ander Deuna eta Betiko ikastoletan, eta Sopela eta Leioako Ibilaldiko dendetan egongo dira salgai, 5 eurogatik.
  Kultura 2003-12-13 21:49

Gabonetako marrazkiak aurkezteko epea zabalik dago oraindik

Erabiltzailearen aurpegia Ukberri Datorren abenduaren 19an amaituko da gabonetako marrazkiak aurkezteko epea. Josotzen diren guztietatik onenak aukeratuko dira Sopelako Udalaren web orrialdean ateratzeko eta sari bana jasoko dute egileek.

Ekimen honen bidez, Sopelako Haur eta Oinarrizko Hezkuntzako ikasleek, Gabonak zelan ikusten dituzten jakin nahi dute udal arduradunek. Izan ere, Gabonei buruz bada, edozein gairen inguruan marraztu daiteke.
  Politika 2003-12-11 23:07

EHNA Sopelan

Erabiltzailearen aurpegia Ukberri Euskal Herriko Naziotasun Aitormenaren tramitazio egunak direla eta, abenduaren 13 eta 14an EHNA eskuratzeko postuak jarriko ditu Sopela Aurrerak. Abenduaren 13an udaletxe plazan eta abenduaren 14an Larrabasterrako Urgitxieta plazan. Egun bietan 12:00etatik 15:00etara izango dira postuok.
  Politika 2003-12-11 22:34

Lurralde Plan Partzialari buruzko hitzaldia antolatu du Sopela Aurrerak

Erabiltzailearen aurpegia Ukberri Biibo Metropolitarraren Eskualdeko Lurralde Plan Partzialaren inguruko hitzaldia emango du Sopela Aurrera plataformak, Sopelako kultur etxean, abenduaren 12an. Bertan, egitasmo honek Sopelan zein eskualdean izango duen eragina azalduko da. Hizlariak, Txema Pico (Ezker abertzaleko juntero ohia) eta Gillermo Vio (Zinegotzia) izango dira eta 20:00etan hasiko da ekitaldia.
  Jendartea 2003-12-10 15:15

Unicef-en 'Bakearen ametsak' erakusketa ostiralera arte egongo da ikusgai

Erabiltzailearen aurpegia Ukberri Abenduaren 12ra arte, Nazio Batuen Haurren Laguntzarako Fondoak (Unicef) antolatutako 'Bakearen ametsak' argazki erakusketa egongo da ikusgai, 10:00etatik 13:00 etara, Sopelako Udaletxeko Hall Kulturalean. Gudek haurtzaroan daukaten eragina erakustea eta gizartea arazo horren aurrean sentsibilizatzea da erakusketa honen helburua.

Argazki erakusketarekin batera, errealizadore euskaldunek egindako bi laburmetraien emanaldiak ere antolatu dituzte. Lehenengoa, 'Patesnak, un cuento de Navidad' (13') atzo egon zen ikusgai. Bigarrena, 'El olvido de la memoria' (26') bihar eskainiko dute, 18:00etatik 21:00etara bitarteko sesio jarraituan. Biak Tríper & Zapin produktorak eginak dira Iñaki Elizalderen zuzendaritzapean.
  Iritzia 2003-12-02 22:58

"...como habláis en euskera..." - Alberto Hernández / Euskara irakaslea

Erabiltzailearen aurpegia Ukberri Egunotan Uribe kostako herrietan "Euskararen eguna" delakoa burutu ohi izan da, eta euskarak urtean 365 egun (2004an 366) behar dituela defendatzen dugunontzat zenbaitetan ospakizun artifiziala izan badaiteke ere, gure herrietan programatu diren ekitaldietara biltzeko deia egin nahi dizuet.
  Kultura 2003-11-30 21:41

Unai Elorriagaren hitzaldiak emango die bukaera Ander Deuna Jaiei

Erabiltzailearen aurpegia Ukberri 2003ko Ander Deuna jaiei bukaera emateko, hitzaldia eskainiko du bihar Unai Elorriaga idazleak Sopelako udaletxeko sarreran. Ekialdia, 20:00etatik aurrera izango da, sarrera dohainik.
  Kultura 2003-11-29 21:37

Punta-puntako bertsolariak Ibilaldia 2004ko aurreko ekitaldian

Erabiltzailearen aurpegia Ukberri Ibilaldia 2004ko aurreko ekitaldien barruan, bertso saioa antolatu dute bihar, 18:00etatik aurrera, Sopelako Urko Kiroldegian. Besteak beste, Andoni Egaña, Amets Arzallus, Sustrai Kolina, Unai Iturriaga eta Igor Elortza igoko dira taulagainera, Aitzol de Castro gaijartzaile lanetan ibiliko delarik. Sarrera dohainik da eta Sopelako Udalak diruz lagundu du ekitaldia.

Antolaketan parte hartzeko deia

'Elkarregaz heldu' lelopean, Leioako Betiko eta Sopelako Ander Deuna ikastolak dira 2004ko Ibilaldia antolatzeko arduradunak. Leioan egingo da maiatzaren bukaeran. Publizitatean, arropa dendetan, kulturan, kirolan, prentsan edota muntaian laguntzeko jendea eskatzen dute. Horrenbestez, Ibilaldiko antolatzaileekin kontaktuan jartzeko helbide elektroniko hau jarri dute: ibilaldia2004@yahoo.com
  Kultura 2003-11-28 20:26

Joane Somarriba omenduko dute Ander Deuna egunean

Erabiltzailearen aurpegia Ukberri Sopelak Ander Deunako jaiak ospatuko ditu asteburu honetan. Beste ekitaldi batzuen artean, Joane Somarriba txirrindularia omenduko dute datorren igandean. Gainera, sari bat ere emango diote ekitaldi horretan. Aipatu bezala, egitarau zabala antolatu du Sopelako Udalak. Horrela, bihar bertan, Gorringo taldeak 'Kutsidazu bidea, Ixabel' antzezlana aurkeztuko du, dohainik, Urko kiroldegian, 20:00etan hasita.
  Iritzia 2003-11-26 23:57

Ibilaldia-04 - Xabier Ugalde / Ander Deuna Ikastolako zuzendaria

Erabiltzailearen aurpegia Ukberri Datorren urteko Ibilaldia Ander Deuna eta Betiko ikastolei egokitu zaie antolatzea. Bi ikastolok, ilusioz eta konpromisoak eskatzen duen tamainako lanaz jakitun, buru-belarri ekin diogu Ibilaldiaren antolaketari. Aurkeztutako proiektuan Ibilaldia bera, ibilbidea, Leioan egingo da baina ordurako Ibilaldia aurreko hainbat kultur eta kirol ekitaldi ere izango ditugu Uribe-Kostako herrietan.
  Kultura 2003-11-26 21:21

Ibilaldiak behar zaitu!

Erabiltzailearen aurpegia Ukberri Ibilaldi baten antolaketan dauden beharrak ugariak dira, ez baita inondik inora erraza horrelako garrantzia duen ekitaldi bat aurrera ateratzea. Ikastola guztien inguruan lortu beharrekoak kontuan hartuz, begi bistakoa da lana ikaragarri handia dela.

Aurtengo Ibilaldia Leioako Betiko eta Sopelako Ander Deuna ikastolek antolatzen dute, nahiz eta 2004.urteko Ibilaldia Betikon ospatuko den maiatzaren 30ean.

Testu honen bitartez jendearen partehartzea bultzatu nahi dugu Ibilaldiaren antolaketan murgildurik gauden guztiok. Esan beharra dago, oraindik ere hutsuneak daudela zenbait arlotan. Publizitatean, arropa dendetan, kulturan kirolan, prentsan edota muntaian pertsonalgo falta dagoela adierazgarria da. Horrenbestez, Ibilaldiko Antolaketarekin kontaktuan jartzeko helbide elektroniko hau luzatzen dizuegu: ibilaldia2004@yahoo.com
  Jendartea 2003-11-26 19:40

'Bizkaia Euskal Kostaldea' elkarteko kide izango da Sopela

Erabiltzailearen aurpegia Ukberri Bihar, 19:30etik aurrera egingo den osoko bilkuran aztertuko dute Sopela 'Bizkaia Euskal Kostaldea' elkartean sartzeko proposamena. Eskaera onartzen bada, Ricardo Ibarra izango da udalerriko ordezkaria, erakunde horretako batzorde eragilean. Bizkaiko hainbat herrik osatzen dute elkarte hori; Portugalete, Getxo, Bakio, Gernika, Gorliz, Bermeo eta Mundaka, besteak beste. Turismo Azoketan Bizkaiko kostalde osoa 'bidai egiteko aukera' bezala aurkeztea da 'Bizkaia Euskal Kostaldea' elkarteko helburu nagusia.
  Iritzia 2003-11-21 23:05

Biribilean hasita - Gabi Basañez / EHEko kidea

Erabiltzailearen aurpegia Ukberri Agur.

Hasikera batek bere akaiera dakar. Lerro arteza da bi puntuen arteko biderik motzena. Politena barrez,biribila. Jakineko puntu batean zagozela asagokoa aditu, berrogeitabost graduko biratxoa egin, abiatu. Baina habiatu gelditzea da, habia egitea, lekutzea. Ez deko lebarik, hasikera guztietan dago haziren bat, auziren bat, ausiren bat. Azantza barik, asagoko hari puntutxu hari adikunerik bere bota barik, kasuriperez, jaramonik egingo ez bazeuntse lez, geldiro geldiro biribil erdia osotzen joan, asagoko puntutxua konturatuten ez danean engaina dozulakon, patxadaz parajetu, ja berrogeitabost graduak bestera egin dozuezela, bizkarretik pasa eta lotu barik ostabere mogimendu berbera errepikaturik, ehun eta laurogei graduak ibilita, hasierako lekuan amaitu arte, jolasean balitzeke lez.
  Jendartea 2003-11-19 21:41

Zinegotzi eta herritarren arteko 'linea zuzena' zabalduko dute internet bidez

Erabiltzailearen aurpegia Ukberri Udalerriko alderdi politikoekin harreman zuzena izateko aukera edukiko dute, bihartik aurrera, sopeloztar guztiek. Taldeei ez ezik, zinegotziei ere, galderak egin ahal izango dizkiete herritarrek, Sopelako Udalak daukan web orrialdean zabalduko duten komunikazio 'lerro zuzena'-ren bidez, www.sopelana.net helbidean alegia. Alderdi politikoak, gehien jota, aste baten buruan erantzuteko konpromizua hartu dute. Gainera, interesgarritzat jotzen dituzten galdera-erantzunak webgunean agertuko dira.

Nabarmenak

Zorion agurrak