Hezkuntza Sailak konpromisoa hartu du Loroñon ikastetxe bat eraikitzeko eta Iberreko institutua handitzeko, Sopelan batxilergoa eskaintzeko
api 25, 12:02 Sopela
Sopelako Iberre eta Zipiriñeko Ikasleen Guraso Elkarteak emozioz beteta jakinarazi du hezkuntza komunitateak proposatutako proiektua burutzea erabaki duela Hezkuntza Sailak. Hala, Sopelako Haur Hezkuntza Loroñon egongo da, Lehen Hezkuntza Zipiriñen eta DBH eta batxilergoa Iberren, eraikina handitu ondoren. Horren ondorioz, adierazi dute bertan behera utziko dituztela aurreikusitako aldarrikapen eta manifestazio guztiak, daborduko nahi zuten akordio lortu baitute.
Lizar Begoña: “Istorioan barrena badaude kritika zantzuak, hala nola turistifikazioa, paperezko prentsaren kontsumoaren gainbehera eta sexualitatea”
api 24, 09:45 Sopela
Itzalkinez betetako hondartza baten aurreko kiosko bat, eta gainbeheran dagoen paperezko prentsa saltzeko emakume bi; belaunaldi, leku eta errealitate ezberdinetakoak biak. Testuinguru horretan, protagonista horien arteko pasadizoak eta barne-liskarrak mahai-gaineratu ditu Lizar Begoña sopeloztarrak Mundu zitalaren kontra izeneko eleberrian. Martin Parr artistaren argazkietan oinarritutako iruditegia baliatu du horretarako, eta Ainara Alkorta margolari eta lagunak egin du azala, kolorez betetakoa, Benidorm bezalako “basamortu urbano” baten dekadentziaz eta kontrasteez hausnartzera gonbidatzen gaituena.
