Kultura  Urduliz 2017-03-01 17:49

Garagardoz bustitako bertso-saioa egingo dute, Urdulizko Etxeandia fabrikan, barikuan

Urdulizko Etxeandia garagardo-fabrikan bertso-saioa egingo dute bariku honetan, martxoaren 3an. Mungiako Taket bertsolaritza-elkarteak antolatu du ekitaldia eta ondoko hauak igoko dira oholtzara: Jone Larry, O’Larra, Mc Goiriena eta Ai’Est-man; gai-jartzailea sorpresa izango da, antolatzaileek adierazi dutenez. Saioa 20:00etan izango da; ostean, Auspokale Trikitri Elkarteagaz kanta eta dantza egiteko aukera ere egongo da.

Horrez gainera, egun horretarako, Etxeandia fabrikako ugazabek zenbait garagardo berezi prestatuko dituzte, besteak beste, hurrengoak: Pumpkim Ale kalabaza-garagardoa, American Pale Ale, Mari, Mattin Pirta eta Lager. Amaitzeko, badaezpada ere, aipatzekoa da Jone Larrinaga, Mikel Goiriena, Ibon Larrazabal eta Aitor Esteban bertsolariak direla goian adierazitako izengoitien jabeak.

2017/03/03 20:00

Urdulizko Etxeandia garagardo-fabrika Urduliz

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa