Zapatuan, Plentziako Eleiz plazan Ixabete Uribarrik gidatutako udal zerrenda aurkeztuko dute jelkideek goizeko 11:30ean, "Plentzia hazi arazi" goiburupean. Horregaz batera, alderdiak udal hauteskundeetarako prestatu duen programa ere jendaurrean zabalduko dute.
Plentziako agerraldia bukatuko denean EAJko zaleek ez dute luze ibili beharko hurrengo ekitaldira joateko. Izan ere, 15:00etan, Gorlizko batzokian Uribe Kostako hautagaiekin bazkaria izango dute, 21 euroren truke. Aurretik, baina, izena eman beharko dute horretarako gaur azken eguna dela.
Agirreri omenaldia
Azkenik, domekan omenaldia eskainiko diote Eusko Jaurlaritzako lehenengo lehendakari eta Getxoko alkate izan zen Jose Antonio Agirre eta Lekuberi. Eusko Alderdi Jeltzaleak zabaldu duenez, ekitaldia Algortan izango da, Agirre Lehendakaria plazan, Trinitarioen elizaren aurrean, alegia. Bertan, gorazarre xumea izango da, goizeko 12:00etan. Hauteskundeak gertu izanez, baliteke ekitaldi elektorala bilakatzea. Iaz Izaskun Bilbao Europako Legebiltzarrerako hautagai jeltzaleak eta Itxaso Atutxa Bizkai Buru Batzarreko presidenteak lore eskaintza eskaini zioten Agirre zenari, bere irudiaren aurrean. 12:30ean, berriz, meza izango da.