Uribe Kosta eskualdean, ohi den legez, Neguri-Gobelara egingo du lehenengo bisita Olentzerok, zapatu honetan, abenduak 19. Eguaztenean (hilak 23), ostera, Barrikan, Erandiolandan, Itzubaltzeta/Romon... izango dugu; aipatutako auzo getxoztarrean, umeen gutunak jasoko ditu. Beste gune batzuetan, opariak banatu egingo ditu: berbarako, Erandioko Kukularra auzoan jaia egingo dute frontoi txikian, eta bertara hurbilduko da Olentzero, erregaluakaz. Hala ere, Eguberri egunera arte itxaron beharko dute neska-mutilek ikazkinak etxean utzitakoak zabaltzeko.
Eguenean, abenduak 24, lehen aipatutako toki guztietara bueltatzeaz gainera, falta zaizkion eskualdeko herriak bisitatuko ditu Olentzerok, eta Mari Domingi lagunagaz hainbat txoko ere bai. Leku gehienetan kalejiran joango dira, musikariek eta dantzariek girotuta; eta gozokiak banatuko dituzte kale-bazterretan, ume eta helduen artean. Helmugara helduta, txokolate beroa hartzeko aukera egongo da, hotzari aurre egiteko; eztarriak ere bero edukitzea komeni da, orduan hasiko baitira Olentzeroren gorazarrez kantuak eta eskariak.
Aldarrikapenerako tarterik ez da faltako eguenean. Besteak beste, Itzubaltzeta/Romoko Branka herriko tabernatik abiatuko da euskal preso politikoen aldeko kalejira, 19:30ean.
Olentzero kalejiran
Barrika
Abenduak 23, eguaztena
19:30 Kalejira frontoitik udaletxera.
Berango
Abenduak 24, eguena
18:30 Kalejira Berangoetatik pilotalekura.
Erandio
Abenduak 23, eguaztena
17:00 Kukularran, jaia frontoi txikian; 19:30ean, opariak banatuko ditu Olentzerok.
18:30 Erandiogoikoan, kalejira auzoan zehar.
Abenduak 24, eguena
18:00 Astrabuduan. kalejira Ignacio Aldekoa ikastetxetik Mendiguren plazara.
18:30 Altzagan, kalejira azoka zaharretik Irailaren 23a plazara.
Getxo
Abenduak 19, zapatua
18:00 Neguri-Gobelan, kalejira auzoan zehar.
Abenduak 24, eguena
17:00 Andra Marin, kalejira kiroldegitik Malakate parkera.
17:30 Algortan, kalejira Benantziotik San Nikolas plazara, Villamontetik (18:00) igaroz.
17:30 Itzubaltzeta/Romon, kalejira Santa Eugenia plazan hasita. 19:30ean, euskal preso politikoen aldeko Olentzeroa, Branka herriko tabernatik abiatuta.
18:30 Areetan, kalejira Eskola plazan hasita.
Gorliz
Abenduak 24, eguena
18:00 Kalejira Ibarretatik pilotalekura.
Leioa
Abenduak 24, eguena
17:00 Herrigunean, kalejira Elexalde Errotatik Kultur Leioara.
17:30 Lamiakon, kalejira auzoan zehar, metro-geltokian hasita.
18:00 San Bartolomen, Olentzerori harrera bertoko kulturgunean.
18:00 Txorierrin, kalejira auzoan zehar, bertoko kulturguneraino.
Lemoiz
Abenduak 24, eguena
17:00 Andrakan, harrera Rufino plazan.
17:30 Armintzan, kalejira autobus-geltokitik frontoiraino.
18:30 Urizarren, kalejira udaletxe zaharraren aurrean hasita.
Plentzia
Abenduak 24, eguena
18:30 Kalejira Plazatxoatik Eliz enparantzara.
Sopela
Abenduak 24, eguena
17:00 Kalejira Larrabasterrako Urgitxieta plazatik Sopelako Udaletxe plazara.
Urduliz
Abenduak 24, eguena
18:00 Kalejira Igeltzera inguruko aparkaleku publikotik Elortza eskolara.