Herriz herri ere hainbat jarduera egongo dira egunotan, emakume langileari gorazarre egiteko. Gorlizen, berbarako, genero-ikuspegitik aztertzen dabiltza hainbat film, Sertutxena aretoan; hurrengo saioak: hilaren 10ean, 18an eta apirilaren 7an (18:30).
Plentzian, hilaren 7an «Emakumeen begiradak» izeneko erakusketa aurkeztuko dute, 18:30ean, Goñi Portalen, eta hurrengo egunean, Plentzia eta Gorlizko 26 eragilek kontzentrazioa egingo dute, 20:00etan, Ontziola plazan. Urdulizen, "Big Eyes" filma proiektatuko dute kultur etxean, hilaren 7an, 19:00etan; eta Lemoizen hilaren 8an kontzentrazioa egingo dute, 12:00etan, udaletxe parean.
Berangon ere hainbat ekimen antolatu dituzte: film-proiekzioa, udalerriko emakumeen antzezlana, eta berdintasunaren aldeko jaia, hilaren 5ean, 12an eta 13an, hurrenez hurren. Sopelan ere astebeteko jardunaldiak antolatu dituzte: antzerkiak, berbaldiak, lehiaketak eta hamaika kontu egongo dira, besteak beste.
Azkenik, Barrikan, ohiko emakumezkoen piragua dema egingo dute, hilaren 6an, 11:00etatik aurrera. Hilaren 8an, berriz, Emakumeen Hitza elkarteak ohiko bazkaria egingo du.