Bestalde, hamabi urte eskatu ditu Jon Enparantzarentzat. Naia Zuriarraini hamaika urte eta Julen Zelaraini eta Iker Sarriegiri hamarna urte eskatzen die arrazoi berarengatik.
"Talde terroristari laguntzea" egotzi die fiskaltzak gainerakoei: Joxe Domingo Aizpuruari bederatzi urte eta Saioa Agirreri, Juan Mari Jauregiri eta Nerea Redondori zazpina urte.
2010eko ekainean egindako polizia operazioan atxilotu eta 2014ko uztailean auzipetu zituzten guztiak, ETAren eta EPPKren artean "lotura" lanak egin eta presoen kolektiboa "kontrolatzen" zutelakoan.
Saioa Agirre Sopelan atxilotu zuten
Garai horietan Saioa Agirre zornotzarrak Sopelako Zipiriñe ikastetxean lan egiten zuen; hura atxilotzeko, Guardia Zibila eskolara joan zen, eta klase ordutegian eskola barrura sartu zen izugarrizko izua eta urduritasuna sortaraziz. Atxiloketa hori salatzeko Zipiriñeko komunitateak eta Udalak idazkiak zabaldu zituzten egun horietan.