Deustu Arraun Taldeak zabaldu duenez, fitxaketa horregaz "Deustuk bere jarduerari beste bultzada bat ematen ahalegintzen dabil, KAE-1 Ligan finkatu eta aurrera egiteko". Helburu hori "emakumezkoen traineruaren garapenagaz eta beheko mailetako ordezkaritza zabalagaz uztartu" gura du klubak.
Deustuko zuzendaritzak nabarmendu du Elortegi "ilusioa ematen duen errefortzua" dela. Era berean, akordura ekarri dute Deustu Arraun Taldea "proiektu egonkorra eta finkatua" dela, "harrobiagaz eta beheko kategoriakaz lan egiteko duen filosofiagatik". Euren iritziz, hori da gaur egun taldearen "zutoina".
Deustuk Gerardo Ranero esker berbakaz agurtu du entrenatzaile postutik, azken urteotan "Tomatera"-ren gidaritzan egin duen "lan handiagatik" eta erakutsi duen "dedikazioagatik". Ranerori klubaren proiektuagaz lotuta jarraitzeko eskaintza egin diote, "azken urteotan klubak eman duen aurrerapenean" egin duen ekarpena kontuan hartuta.
Elortegi
Barrikoztarra Plentziako Arkote arraun-taldeagaz hasi zen harrobiko kide gisa. Bertan zian zen 1995etik 2003ra. Ondoren, urte bakarra egin zuen Urdaibain. 2005etik 2010era, Kantrabrian egin zuen arraun, Castreñako eskifaian eta azken sei urteotan Bermeo-Urdaibairen "Bou Bizkaia" traineruaren tostatik lehiatu da. Hainbat bandera eta txapelketa irabazi ditu, azkena San Miguel Liga, tartean Kontxako sei bandera (4 Urdaibaigaz eta beste bi Kastrogaz).