Jendartea  Getxo  Uribe Kosta 2017-02-28 09:36

Alerta laranja ezarri dute kostaldeko arriskuagatik

Eusko Jaurlaritzako Segurtasun Sailak alerta laranja aktibatu du gaur 03:00etatik aurrera itsasaldeko arriskuengatik. Hori dela eta, Getxoko Udalak Babes Zibilaren Udal plana 0 fasean jarri du, baita krisi mahaia deitu ere. Itsasaldeko arriskua 24:00ak arte aurreikusi dute; kostaldeko kalteen arriskua, berriz, 04:00etatik 08:00etara eta 16:00etatik 20:00etara.

Alerta laranja ezarri dute kostaldeko arriskuagatik
Denboralea Getxon, artxiboko irudian. | Ikusi handiago | Argazki originala

Aurrekoetan bezala, Udalak SMS mezuak bidaliko dizkie arrisku guneetako (Kirol Portua, Ereagako hondartza eta Portu Zaharra) merkatariei eta ostalariei, eta kartelak jarriko ditu, alertaren eta jarraitu beharreko gomendioen berri emateko. Era berean, Udalak Udal Turismo Bulegoa babesteko neurriak ere hartuko ditu.

Arrisku guneetarako bidea zainduta egongo da etengabe 04:40etik 06:40era eta 17:00etatik 19:00etara (itsasgoren aurreko eta ondorengo orduotan). Hala, oinezkoentzat itxiko da Pedro Bilbao estatuatik Portu Zaharrera hondartzaren ondotik doan bidea eta egoeraren arabera erabakiko dira ibilgailuentzako neurriak. Era berean, Udalak gogoratzen du alertak irauten duen bitartean hondartzetara sartzea debekatuta egongo dela.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa