Politika 2004-03-11 22:35

Al Kaedak beregain hartu ditu atentatuak Londresko egunkari batera bidalitako gutunaren bidez

Erabiltzailearen aurpegia Ukberri Londresen egoitza duen 'Al Quds Al Arabi' egunkariak jasotako gutunean aipatzen denez, Al Kaeda izan da Madrilgo atentatuak burutu dituena, hainbat komunikabide britainiarrek adierazi dutenez. Hala ere, gutun horren jatorria egiaztatu arte, tentuz jokatzeko adierazi du Angel Acebesek.

Al kaeda da Madrilgo atentatuen egilea, egunkari arabiar baten arabera - Berria
  Politika 2004-03-11 22:21

Atentatuen egiletza eztabaidagai

Erabiltzailearen aurpegia Ukberri Anjel Acebes Espainiako barne ministroak, goizean, atentatuen egilea "dudarik gabe" ETA izan dela ziurtatu duen arren, hainbat hedabidetan aipatu den Al Qaeda edota bestelako talde islamiar baten egiletzaren hiposia zabalik utzi du Alcala de Henares-en atzemandako furgonetak. Besteak beste, talde islamiar batek Barne Ministeritzara deia egin duela adierazi du Izaronews webguneak.
  Politika 2004-03-11 21:43

Arabiarrez dagoen grabazioa atzeman dute Alcala de Henares-en

Erabiltzailearen aurpegia Ukberri Madrilgo Alcala de Henares herrian detonagailuak zituen furgoneta bat atzeman dute Espainiako Segurtasun Indarrek. Detonagailuez gain, arabieraz Koranaren pasarte batzuk jasotzen zituen grabazio bat zegoela agertu du Angel Acebes Espainiako Barne ministroak. Ondorioz, ETAren hipotesia ez ezik, ekintzaile arabiarrena zabaltzen dela adierazi du.

Ekintzaile arabiarren hipotesia zabalik dagoela dio Espainiako Barne Ministerioak - Berria
  Politika 2004-03-11 21:22

Atentatuak Madrilen

Erabiltzailearen aurpegia Ukberri Azken zenbaketa ofizialaren arabera, 190 dira hildakoak eta 1.200etik gora zaurituak - Berria

Madrilen hamahiru leherketa izan direla nabarmendu du Espainiako Barne Ministro Angel Acebesek. Madril eta Guadalajara arteko trenbide sareko lau geltokitan bederatzi lehergailu zartarazi dituzte gaur goizeko 07:35etatik 08:00etara bitartean, milaka pertsona trenean zirenean. Atocha geltokian hiru leherketa izan direla esan du Acebesek, eta 30 lagun hil direla; Santa Eugenia geltokian leherketa bat, 17 lagun hilez, eta El Pozo geltokian bost, 17 lagun hilez. Halaber, Madrileko Tellez kaleko geltokian beste lau leherketa gertatu dira, 59 lagun hilez. Horrez gain, Espainiako Segurtasun Indarretako artezilariek hiru leherketa kontrolatu egin dituztela nabarmendu du. Espainiako Barne Ministerioak kaleratu duen azken zenbaketaren arabera, 190 dira hildakoak eta 1.247 zaurituak. Acebesek ETAri leporatu dizkio gaurko atentatuak, eta erabilitako lehergaia titadinea izan dela ziurtatu du; hots, normalean ETAk erabiltzen duena.

Indar polizialen arabera, 13 lehergailuz kateatutako atentatuak gauzatzea zen helburua - Gara

Erreakzioak:

"Dudarik gabe" ETA izan dela ziurtatu du Acebes Barne Ministroak, eta "toxikaziotzat" jo ditu ezker abertzalearen informazioak - Berria

Ezker abertzaleak gaitzetsi egin ditu Madrilgo erasoak, eta ETA ez dela izan ziurtatu du - Berria

Mundu osoko erakunde eta agintarien gaitzespena jaso du sarraskiak - Berria

Euskal gehiengo sindikalak ordu laurdeneko lanuztea deitu du biharko - Berria

"ETAk egindakoak nazka" sortzen duela adierazi du Ibarretxek, eta beren aldeko erabilerarik ez egiteko eskatu die alderdiei - Berria

Adierazpenak:

Euskal sindikatuak - Jose Maria Aznar - Jose Luis Rodriguez Zapatero - EAJ - EA - Aralar-Zutik - Nafarroa Bai - AB

Ondorioak

Madrilgo Soto del Real espetxean euskal presoak jipoitzen saiatu dira, eta Aranjuezkoak bakartu egin dituzte - Berria

Espainiako Gobernuak biharko deitu dituen manifestazioetara ez dela joango iragarri du EAk - Berria

Tentsio uneak izan dira Gasteizko elkarretaratzean - Berria
  Politika 2004-03-10 21:54

Bergarako ekimenaren Areetako ekitaldiaren berri eman du Fiskaltzan Urquijok

Erabiltzailearen aurpegia Ukberri Besteak beste, Osintxun, Arrasaten, Villabonan, Sestaon, Areetan, Deustun eta Laudion, Bergarako ekimenak bihar egin behar dituen ekitaldien berri eman die Bizkaia, Gipuzkoa eta Arabako Hauteskunde-batzen presidenteei eta Fiskaltzako lurraldeburuei, Carlos Urquijo EAEko Espainiako Gobernuaren ordezkariak. Aipatutako ekitaldiak aztertzea eta, beharrezkoa balitz, horien aurkako neurriak hartzea eskatu du.
  Hezkuntza 2004-03-10 21:54

Antonio Riverak boto gehiago eskatu ditu campusentzat

Erabiltzailearen aurpegia Ukberri EHU Leioan zentralizatzen da bere ustez

Radio Euskadiko "Boulevard Abierto" saioan, honakoa proposatu du Historia Garaikidean katedradunak: unibertsitatea deszentralizatzea, zerbitzu guztiak eta unibertsitarioek dituzten arazo eta beharrak denen eskura egon daitezen.

Gehiago irakurri
  Kultura 2004-03-10 20:37

Euskal Herriko ehun artisten lanak bilduko ditu IbilArte erakusketak

Erabiltzailearen aurpegia Ukberri EHUko Abesbatzak eta Leioako San Juan Bautista Abesbatzak emanaldia eskainiko dute bihar

IbilArte-04 erakusketaren inaugurazio ekitaldia egingo dute bihar, 19:00etatik aurrera, Bilboko BBKko Elkanoko Kultur Gelan. Ibilaldiaren barruan egiten den arte erakusketa da honako hau, eta aurten, Euskal Herriko 100 bat artisten lanak bilduko ditu. Besteak beste, D.Tamayo, A. Garraza, J.M. Lazkano, Dora Salazar, J.L. Zumeta, E. Landa edo Juan Gorritiren lanak egongo dira ikusgai.
  Hezkuntza 2004-03-09 20:11

Sarean erabakiko dira EHUko errektoretzarako hauteskundeak

Erabiltzailearen aurpegia Ukberri Martxoaren 24an egingo diren EHUko errektorea aukeratzeko hauteskundeetan, funtsezkoak bilakatzen ari dira teknologia berriak. Ez bakarrik bozken bat-bateko zenbaketa ahalbidetuko duten 79 Demotek hautestontzi jarriko dituztelako, baizik eta web orrialdeak eta internetekin zerikusia duten leloak erabiltzen dihardutelako hautagaiek.
  Hezkuntza 2004-03-09 19:22

Marisol Esteban EHUren gestio-sistema hobetzearen alde agertu da

Erabiltzailearen aurpegia Ukberri Bozetan bigarren itzulia izango dela uste du errektoregaiak

Marisol Esteban EHUko Ekonomia Aplikatuko katedraduna eta emakumezko errektoregai bakarra unibertsitatearen kudeaketa-sistema hobetzearen alde agertu da gaur, eta hauteskundeetan bigarren itzulia izango dela uste du. Horregatik, hautagaitzak osatzea beharrezkoa iruditzen zaio. Bere programaren gakoetako bat EHUko gestioa hobetzea dela iragarri du, "erakundearentzat funtsezkoa" delako, "lau urtetan aldaketa garrantzitsuei egingo diegu aurre, burutu behar dugun lanean".
  Hezkuntza 2004-03-09 19:22

EHU gizartearentzako erreferentea bilakatu nahi du Juan Ignazio Perezek

Erabiltzailearen aurpegia Ukberri Kalitatezko irakaskuntza eta ikerkuntza erabili nahi ditu horretarako errektoregaiak

Jun Ignacio Perez EHUko Biologia katedradunak eta errektoregaiak unibertsitatea gizartearentzako erreferentea bihurtzearen aldeko apustua egin du, horretarako, kalitatezko irakaskuntza eta ikerkuntzan oinarrituz. Bere iritziz, errektorea aukeratzeko atzo bertan hasi zen kanpaina "ez da gogorra izango, behintzat nire aldetik", eta hauteskundeen egunera iritsi arte (martxoaren 24), "gauzak ahalik eta modu erakargarrienean" aurkezten saiatuko dela ziurtatu du. "Nire proiektuaren eta nire birtute propioak aurkeztuko ditut, unibertsitatean eta kudeaketan daukadan esperientziagatik, eta akademiko eta ikertzaile bezala dudan historiagatik", azaldu zuen atzo Radio Euskadiri eskainitako elkarrizketa batean.
  Hezkuntza 2004-03-04 20:00

Bozkatzeko mahaiak jarriko dituzte ospitaletan Doñatek eskatuta

Erabiltzailearen aurpegia Ukberri EHUko Hauteskunde Batzordeak kasu egin dio Francisco Doñate errektoregaiak eginiko eskaerari, eta bozkatzeko mahai propioak jarriko ditu Gurutzeta, Basurtu eta Txagorritxuko ospitaletako irakaskuntza-unitateetan.
  Hezkuntza 2004-03-04 20:00

Kudeaketa "eraginkorra" egingo duela agindu du Muniozgurenek

Erabiltzailearen aurpegia Ukberri EHUko langileen baldintzak hobetuko dituela esan du Doñatek, eta autonomia aldarrikatu du

Hauteskundeak inpugnatu ditzake Doñatek

Euskal Herriko Unibertsitateko (EHU) errektorea aukeratzeko hauteskunde kanpaina gaur hasiko da. Datorren martxoaren 24an egingo dira, eta, apurka-apurka, euren mezua zabaltzen ari dira zazpi errektoregaiak. Orain arte, Klaustroak 300 lagun inguru aukeratzen zuen errektorea, baina, aurten lehen aldiz, sufragio unibertsal ponderatua hauteskunde sistema erabiliko dute. Hala, 59.000 lagun baino gehiagok izango dute bozkatzeko aukera. Javier Muniozguren errektoregaiak eta Bilboko Ingeniaritza Eskolako zuzendariak atzo esan zuenez, horrek aldaketak eragingo ditu hautagaien jarreran, boto eskubidea duten guztiengana heltzeko agenda zabala prestatu behar izan duelako.

Gehiago irakurri
  Hezkuntza 2004-03-04 19:59

EHUn euskararen presentzia areagotzea erabakigarria dela uste du Antigüedadek

Erabiltzailearen aurpegia Ukberri Iñaki Antigüedad EHUko Hidrogeologiako katedradun eta errektoregaiak uste du erabakigarria dela unibertsitatean euskararen presentzia areagotzea. Aldi berean, euskal sarea eta EHUko barne-antolakuntza bere programaren ezaugarri nagusiak direla nabarmendu du. Horrela adierazi zuen atzo Radio Euskadin eskainiko elkarrizketan.
  Kultura 2004-03-02 20:59

Ibilaldia 2004k badauka abestia

Erabiltzailearen aurpegia Ukberri Ibilaldia 2004ko abesti ofiziala izango denaren aurkezpena hartu zuen, pasa den ostiralean, Bilboko Kafe Antzokiak. Maiatzaren 30an ospatuko da Bizkaiko ikastolen jaia Leioan, udalerri horretako Betiko eta Sopelako Ander Deuna ikastolek antolatuta. Hain zuzen ere, bi zentro horien arteko elkarlana nabarmendu nahian, Ibilaldi 2004ko leloarekin bat eginez, "Alkarregaz heldu" izenburua jarri nahi izan diote kantari. Guzti hori helburu amankomun batzuei jarraituz, ikastola eredua ezagutaraztea eta zabaltzea eta euskal kultura eta euskararen sustapenean laguntzea, alegia.
  Hezkuntza 2004-02-28 21:23

Zazpi hautagai EHUko errektore izateko

Erabiltzailearen aurpegia Ukberri EHUko errektore izateko hautagaien zerrendan izena emateko epea 13:00etan amaitu zen atzo. Honela, ondorengo errektorea izateko hauteskundetara, zazpi hautagai aurkeztu dira unibertsitateko Erregistro Orokorrean. Errektorea aukeratzeko sistema berriari helduz, martxoaren 24an izango da lehengo itzulia, eta apirilaren 1ean bigarrena.
  Hezkuntza 2004-02-27 10:34

Unibertsitate Legeak euskal presoei «pribilegioa» ematen diela dio Acebesek

Erabiltzailearen aurpegia Ukberri Arau berriaren aurkako helegitea gaur bertan onar dezake espainiar Gobernuak

Asteazkenean Lakuako hirukoak Unibertsitate Legea onartu zuen, Sozialista Abertzaleak talde parlamentarioa abstenituta. Atzo, Gobernu espainolak arauaren kontra helegitea aurkeztuko duela iragarri zuen Angel Acebes ministroak. Euskal preso politikoek unibertsitateetan «inolako pribilegiorik» izan ez dezaten «eskura duten guztia» egingo dutela esan zuen. Nahiz eta legeak «zehatz mehatz» zer dioen jakin ez, Auzitegi Konstituzionalera jotzearen alde egin zuen.

Gehiago irakurri
  Hezkuntza 2004-02-26 23:02

Legebiltzarrak Unibertsitate Legea egea onartu du, SAren abstentzioari esker

Erabiltzailearen aurpegia Ukberri Euskal unibertsitate sistema Europara egokituko duela esan du Iztueta Hezkuntza sailburuak

EAEko Unibertsitate Legea aurrera atera zuen atzo Eusko Legebiltzarrak, Eusko Jaurlaritza osatzen duten EAJ, EA eta EB-IUren aldeko botoekin, eta Sozialista Abertzaleak taldearen abstentzioari esker. PPk eta PSE-EEk aldiz, aurka bozkatu zuten.

Gehiago irakurri
  Hezkuntza 2004-02-26 22:53

Errektore izateko hautagaitzak aurkezteko epea bihar bukatuko da

Erabiltzailearen aurpegia Ukberri EHUko errektorea aukeratzeko hauteskundeetara, hautagaitzak aurkezteko epea bihar bukatuko da, arratsaldeko 13,00etan. Hautagaiek, izena, hauteskunde-programa eta gobernu taldearen egitura aurkeztu behar dute, gutxienez Klaustroko kideen ehuneko hamarrak sinaturiko bermeaz gain.
  Politika 2004-02-20 21:40

Anjel Figueroa eta Orkatz Gallastegi presoak espetxez aldatu dituzte

Erabiltzailearen aurpegia Ukberri Baldintzapeko askatasunaren errekurtsoaren zain jarraitzen du Marian Perez del Riok

Omenaldia egingo diote bihar Areetan pasa den astean sendutako "Txini" iheslari ohiari

Algortako Amnistiaren Aldeko Mugimenduak jakitera eman duenez, Anjel Figueroa Algortako presoa lekuz aldatu dute, Dueñas (Palentzia) espetxetik Alcoleara (Kordoba). Orkatz Gallastegi berangotarra ere aldatu dute aste honetan, Alcala Mecotik Castelloko espetxera, hain zuzen. Espetxe aldaketa biak "tratamendu" arrazoiengatik egin dituztela esan diete Espainiako Kartzela-Instituzioetako Zuzendaritza Nagusikoek.
  Kultura 2004-02-19 23:27

Epailez mozorrotuta daude

Erabiltzailearen aurpegia Ukberri Aratuste edo inauterien garaian gaude eta hori nabaria da. Iragan den otsailaren 19an Felliniren film surrealista baterako gidoia izan zitekeena ikusteko aukera izan genuen Gernikan epaitegia euskalduntzeko gose grebako 9. txandako talaiatik.

Ondarruko bi seme-alabek epaiketa zeukaten Gernikako epaitegian. Eta biak euskaldunak eta biak Gernikako epaitegiari intsumituak izanda epaileari gogoratu nahi zioten epaitegia euskaldundu arte ez dutela onartuko epaitegiaren jurisprudentzia. Informazioan epaiketa non burutu behar zen galdetu zutenean Kafkaren usaina hartu zuen egoerak: egun horretan ez zegoela epaiketarik esan zien bulegari batek. Espedientea begiratu ostean, okerrago: “Epaiketa egin zen... otsailaren 2an”. Intsumituek haserre bizian azaldu zuten zelan urtarrilaren 19an aurreko epaiketa saioa izan zuten, zelan epailea anderea euskalduna zen –Gernikara bidali eta ti-ta batean beste leku batera mugitu zutena–, baina epaiketa atzeratu zela epaileak sasi-fiskal erdaldunaren eskaria (bere ustez, itzultzailea behar zen) onartu ostean. Era berean, epaileak otsailaren 19rako hitzordua eman ziela azaldu zuten, beraiek eta senideek horrela entzunda. Aktan, aldiz, otsailaren 2ko data (inputatuen sinadura barik). Gezurra esan zien epaileak ala sasi-idazkari erdaldunak ez zuen ulertu epaileak esan zuena?

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04