Jendartea  Uribe Kosta 2017-03-09 10:22

Bueltan da Euskadiko outlet handiena

Bueltan da Euskadiko outlet handiena

Barikutik domekara bitartean, 11:00etatik 21:00etara, 200 saltokik baino gehiagok %80 arteko beherapenak eskainiko dituzte BECean izango den Stock Euskadi azokan, hala nola modan, etxeko-horniduran, kirol-artikuluetan, kosmetikan, elektronikan eta aisian. Aurten gainera, azokako arduradunek 3.000 euro emango dizkiote Bizkaiko Esklerosi Anitzaren Elkarteari.

  Kultura  Getxo  Leioa  Uribe Kosta 2017-03-09 10:00

Errigoraren produktuak eskatzeko aukera dago Betiko ikastolan eta Lauaxeta AEK euskaltegian

Martxoaren 14ra arte aukera egongo da eskatzeko Nafarroa Garaiaren hegoaldeko oliba-olio birjina estra eta kontserba-loteak, euskaraz etiketatuta eta ekoizlearen jatorrizko prezioan. Eskaintza Errigora ekimenak egin du, Erriberan euskara eta bertako nekazaritza sustatzeko egitasmoak. Banaketa eta ordainketa bi alditan egingo da: oliba-olioa, apirilaren 1ean; eta kontserba-loteak, ekainaren 1ean; kasu bietan, Algortako Lauaxeta AEK euskaltegian edo Leioako Betiko ikastolan. Aurten, produktu ekologikoak eskatzeko aukera ere egongo da.

  Kultura  Getxo  Uribe Kosta 2017-03-08 12:08

Korrikaren eskualdeko aurkezpena egingo dute barikuan Itzubaltzetan

Korrikaren eskualdeko aurkezpena egingo dute barikuan Itzubaltzetan

Eskualdeko aurkezpena barikuan egingo dute, Itzubaltzeta/Romoko parrokia-etxeko ekitaldi-aretoan, 19:00etan. Euskararen aldeko lasterketak apirilaren 6an zeharkatuko du Uribe Kosta, Lemoiz izan ezik. Daborduko, herrietako Korrika-batzordeek egitarau zabala prest daukate.

  Jendartea  Uribe Kosta 2017-03-08 10:59

Berdintasuna egunero egiten dela aldarrikatu du Metro Bilbaok

Emakumeen Nazioarteko Eguna da gaur, martxoak 8; hori dela eta, berdintasunaren aldarrikapenagaz bat egin du beste urte batez Metro Bilbaok. Hala, 500 kartel inguru ipini ditu geltoki denetan, honako leloa agerian uzteko: "Berdintasuna egunero egiten da". Kartelok hainbat astez egongo dira bertan, "berdintasunaren balio soziala azpimarratzeko helburua duen kanpainaren baitan", azaldu dutenez.

  Iritzia  Uribe Kosta 2017-03-07 14:03

Umorea ere preso nahi dute

Juan Luis Mugertza

Espainiarrak haserre daude. Guztiak ez, baina banaka batzuk bai; oso, gainera. ETBko Euskalduna naiz, eta zu? programan batzuek esandakoak bazterrak harrotu ditu. Ez dute bat ere ondo hartu entzundako lausenguak (fatxak, aurrerakoiak, paletoak, txoniak….).

 Getxo  Uribe Kosta 2017-03-05 14:44

Neskato baten hilotza atera du Galeako harkaitzetatik Ertzaintzak

Atzo Algortan desagertutako 14 urteko neskaren hilotza aurkitu dute gaur Galeako arroketan. Gauerdian eman zuten senideek desagerpenaren abisua, eta goizeko 9:00etan aurkitu dute gorpua.

  Kirolak  Uribe Kosta 2017-03-03 17:29

Eskola Kirola programako ur-jarduerak bertan behera, zapatuan

Eskola Kirola programako ur-jarduerak bertan behera, zapatuan

Bizkaiko Foru Aldundiak bertan behera utzi ditu bihar, zapatuan, Eskola Kirola programaren barruan uretan egitekoak ziren zenbait jarduera.

  Jendartea  Barrika  Berango  Gorliz  Lemoiz  Plentzia  Urduliz  Uribe Kosta 2017-03-03 17:18

Martxoaren 8a ekitaldiz beteko dute, herririk herri

Martxoaren 8a ekitaldiz beteko dute, herririk herri

Emakumeen Nazioarteko Eguna izango da hurrengo eguaztenean, eta horri lotuta hamaika ekitaldi egingo dute egunotan Uribe Kostako herri denetan. Martxoaren 8an ez ezik, urtero legez, hileko beste hainbat egunetan ere ekimenak egongo dira. Hala, datozen egunetan eskualdeko udalek, eragileek zein Mankomunitateak ekimen nahikotxo antolatu dituzte.

  Jendartea  Uribe Kosta 2017-03-03 13:45

Txartel multimodal berriak jarriko dituzte martxan hilaren 8an

Txartel multimodal berriak jarriko dituzte martxan hilaren 8an

Datorren eguaztenetik, hilaren 8tik, aurrera, Metro Bilbao, Euskotren eta Bilboko tranbia erabiltzeko txartel multimodal berriak erabili ahal izango dira. Gainera, Bizkaian erroldatutako 26 urtetik beherako neska-mutilek Bizkaibusean erabiltzeko aukera izango dute titulu hori.

  Jendartea  Gorliz  Lemoiz  Plentzia  Uribe Kosta 2017-03-03 13:15

Oroilore ikerketa-taldea: "Kontatu ez edo zatika kontatu zigutena ezagutzea eta erakustea da gure helburua"

Iñigo Fernandez de Martikorena

Oroilore ikerketa-taldea: "Kontatu ez edo zatika kontatu zigutena ezagutzea eta erakustea da gure helburua"

Oroilore ikerketa-taldeak ekitaldia egingo du Matxitxakoko itsas batailaren 80. urtemugan. Ekimena datorren domekan izango da Armintzako portuan, 13:00etan. Horren berri eman digute taldeko hiru kidek: Alaitz Bilbao Figueroak, Esteban Serrano Gómezek eta Jose Antonio Martínez Ibáñezek. Matxitxakon jazotakoa akordura ekartzeaz gainera, memoria kolektiboa berreskuratzeko Oroilore ikerketa-taldeak egiten dituen bestelako jarduerak ere azaldu dituzte hiru plentziarrek.

  Kirolak  Getxo  Uribe Kosta 2017-03-03 12:20

Bizkaiko mus-txapelak, Ibarrekolandaraino

Bizkaiko mus-txapelak, Ibarrekolandaraino

Bizkaiak badauka daborduko aurtengo mus-txapeldun parea: Ibarrekolandako Aitor eta Karmelo Carral Tellitu anaiak. Biak izan ziren onenak pasa den zapatuan, Algortako Azebarri kulturgunean jokatutako finalean, azken partidan Bermeoko Jabi "Otxote" eta Josi Arrien gaindituta.

  Kultura  Erandio  Getxo  Leioa  Sopela  Uribe Kosta 2017-03-01 18:41

Gaylesbotrans-zinema, eskualdean

Gaylesbotrans-zinema, eskualdean

Bilboko gaylesbotrans nazioarteko zinemaren eta arte eszenikoen jaialdiaren akabera-ekitaldia Guggenheim museoan izango da, zapatu honetan, martxoaren 4an. Hala ere, ohikoa denez, Zinegoak jaialdiak beste hainbat herritan ere emanaldiak eskainiko ditu, Hedapenak atalaren barruan. Uribe Kosta eskualdeari dagokionez, Getxon, Erandion, Leioan eta Sopelan izango dira ekitaldiak. Lehenengoa Algortako kultur etxean egingo dute martxoaren 8an, eguaztenean. Egun horretan, "The pearl of Africa" dokumentala proiektatuko dute, 20:00etan, kultur etxean; sarrera, doan.

  Hezkuntza  Uribe Kosta 2017-03-01 18:07

Mihiluze lehiaketan jardungo dute zortzi ikastetxetako neska-mutilek

Mihiluze lehiaketan jardungo dute zortzi ikastetxetako neska-mutilek

Mihiluze Uribe Kosta lehiaketaren helburu nagusia da eskualdeko hizkuntz eta kultur ondarea zabaltzea. Uribe Kostako Zerbitzu Mankomunitatearen Euskara Zerbitzuak antolatu du lehiaketa, eta, jakinarazi duenez, zortzi ikastetxe dabiltza egitasmoan parte hartzen; Lehen Hezkuntzako 5. eta 6. zein Derrigorrezko Bigarren Hezkuntzako 1. eta 2. mailetako ikasleei zuzenduta dago lehiaketa. Batetik, martxoaren 6tik apirilaren 3ra arte, bost ataletan banatutako materiala www.mihiluzeuribekosta.com webgunean argitaratuko dute; atal bakoitza astebeteko maiztasunarekin publikatuko dute. 

  Kirolak 2017-02-28 11:46

Hirunaka

Erabiltzailearen aurpegia Geuria.info

Athleticek garaipen berri bat eskuratu zuen Santa Teresari 2-1 irabazita Joseba Agirreren taldeak bere dinamika onarekin jarraitzeko aukera zuen Lezaman.Irakurri gehiago

2017-02-23 13:27

Pentsakera arrazionala vs aurreiritziak

Erabiltzailearen aurpegia Eduardo San Andres

Gure gaur eguneko gizartearen arazoen zerrenda ez da laburra. Beharbada, zerrenda horren lehendabiziko postua pentsakera zientifikoa eta arrazionalaren presentzia urria da.

  Jendartea  Getxo  Uribe Kosta 2017-02-28 09:36

Alerta laranja ezarri dute kostaldeko arriskuagatik

Alerta laranja ezarri dute kostaldeko arriskuagatik

Eusko Jaurlaritzako Segurtasun Sailak alerta laranja aktibatu du gaur 03:00etatik aurrera itsasaldeko arriskuengatik. Hori dela eta, Getxoko Udalak Babes Zibilaren Udal plana 0 fasean jarri du, baita krisi mahaia deitu ere. Itsasaldeko arriskua 24:00ak arte aurreikusi dute; kostaldeko kalteen arriskua, berriz, 04:00etatik 08:00etara eta 16:00etatik 20:00etara.

  Kultura  Getxo  Uribe Kosta 2017-02-27 14:49

Book Trailer Lehiaketa martxan da!

Book Trailer Lehiaketa martxan da!

Getxoko Kalabazan kultur ekimenak Book Trailer Lehiaketa martxan ipini du, hirugarrenez; irakurzaletasuna bultzatzeko. Lanak apirilaren 14ra arte bidal daitezke.

  Kirolak 2017-02-27 09:29

Euskadiko Piraguismo Txapelketa

Erabiltzailearen aurpegia Inaki Eguzkitza

Euskadiko Piraguismo Txapelketa

Datorren domekan, martxoaren 5ean, Euskadiko Piraguismo txapelketa Irunen.

  Ekonomia  Erandio  Uribe Kosta 2017-02-26 10:00

Grebara deitu dute Euskotrenen, eguaztenerako

Grebara deitu dute Euskotrenen, eguaztenerako

Datorren eguazteneko, martxoak 1, greba-deialdia aurkeztu du Euskotren garraio-enpresako Batzorde Iraunkorrak; lanuzteek salatu gura dute egun horretan Euskotrenek Gipuzkoan dituen zenbait zerbitzutako hainbat langile eta sindikalisten epaituko dituztela, enpresak salatuta, ustezko "abusuzko grebagatik". Hala, sindikatuek greba-eskubidea defendatzera deitu dute. Uribe Kostan grebak eragina izan dezake Lutxanako tren-geltokian eta Bizkaibuseko autobusetan.

  Kultura  Sopela  Uribe Kosta 2017-02-25 12:00

Erica Liquete: "Txikiek gurasoei euskara irakasteak motibazio-puntua ematen dio proiektuari"

Iñigo Fernandez de Martikorena

Erica Liquete: "Txikiek gurasoei euskara irakasteak motibazio-puntua ematen dio proiektuari"

Sorgina Txirulina proiektua hasi berri du Erica Liquete Villamor sopeloztarrak, euskaldunak ez diren gurasoek euskara ikas dezaten, ipuinen eta seme-alaben laguntzaz.

Nabarmenak

Zorion agurrak

Haizea

Haizea

Martxoak 31
LARA ETA ADRIAN

LARA ETA ADRIAN

Uztailak 04