Ostirala, urtarrilak 13
09:30
Batxilergoko 53. Matematikako Olinpiadak
EHUko Zientzia eta Teknologia Fakultatea, Leioa | BestelakoakMatematikako Olinpiadaren 53. edizioaren lehenengo fasea egingo dute bariku honetan, urtarrilak 13, Leioako campusean; hitzordua 09:30ean jarri dute, EHUko Zientzia eta Teknologia Fakultateko berbaldi-aretoan. EHUko Matematika Ataleko irakasle ordezkaritza baten laguntzagaz, Espainiako Matematikako Erret Elkarteak antolatzen ditu Matematikako Olinpiadak. 2016-2017 ikasturteak Batxilergoan matrikulatutako EAEko ikasle denek har dezakete parte.
12:30
Lan-istripuen kontrako elkarretaratzea
Mec Mec pizzeria (Sopela), Gorliz Sopela | MobilizazioakPizzak banatzen lan egiten zuen 24 urteko gizon bat hil zen herenegun, urtarrilak 9, Gorlizen, banaketa egiten zebilela zirkulazio istripu bat izan eta bi astera, LAB sindikatuak salatu duenez. Gaztea (A.R.J.) Sopelako Mec Mec pizzeriako langilea zen, eta abenduaren 30ean izan zuen istripua. ELA, LAB, ESK, Steilas, EHNE eta Hiru sindikatuek elkarretaratzea egingo dute barikuan, urtarrilak 13, 12:30ean, Mec Mec pizzeriaren aurrean.
17:30
Barikuetan Jai: egutegi-tailerra
Kultur Leioako aterpea, Leioa | Ikastaroak eta tailerrakAste-akabu honetan bueltatuko da Barikuetan Jai egitasmoa, Kultur Leioako aterpeetara, 17:30etik aurrera. Hala, urtarrilaren 13an, egutegi-tailerra egingo dute. Haurrek eta familiek kalean euskara erabiltzea da Leioako Udalaren Euskara Zerbitzuak antolatutako ekimenaren helburua; horretarako, barikuro, jarduera bereziak egiten dituzte, euskaraz, harreman-sareak zabaltzeko, eta euskara erabiltzeko guneak eta aukerak sortzeko.
18:30
Txernobylgo umeei harrera egiteko batzarra
Urdulizko kultur etxea, Urduliz | Batzarrak eta topaketakDatorren barikuan, urtarrilaren 13an, Urdulizko kultur etxeak hartuko du Txernobylgo (Ukrania) umeei harrera egiteko batzar informatibo bat, 18:30ean. Saioa Errusiako eta Bielorrusiako umeen harrerarako Bikarte elkarte ongileak antolatu du.
19:30
Herri-galdeketaren gaineko herri-batzarra
Armintzako kultur etxea, Lemoiz | Batzarrak eta topaketakADOS Uribe Kostak antolatuko duen herri-galdeketan erabiliko den galdera aukeratzeko prozesuaren barruan lan saioa egingo da Lemoizen barikuan.
19:30
ADOS Lemoiz herri batzarra
Armintzako kultur etxea, LemoizHerri galdeketan erabiliko den galdera aukeratzeko prozesuaren barruan lemoiztarren lan saioa
20:00
Laburrean film laburren topaketa
Kurtzio kultur etxea, Sopela | Zinema eta bideo-emanaldiakBariku honetan, urtarrilak 13, Laburrean film laburren topaketaren 3. edizioa egingo dute Kurtzio kultur etxean. Sopelako Udalak antolatutako ekitaldia 20:00etan hasiko da eta sarrera doakoa izango da; baina, aldez aurretik, gonbidapena jaso beharko da, Kurtzion.
20:00
EHSF Sariak jaialdia
Sopelako garagardotegia, Sopela | Kirol-ekitaldiakEuskal Herriko Surf Federazioak amaitu den denboraldiko zirkuituetako sariak banatuko ditu gaur, barikua, Sopelan. Hala, EHSF Sariak jaialdia antolatu dute 20:00etarako Sopelako garagardotegian. Surf, Body Board eta SUP zirkuituen sariak emateaz gainera, 2017ko nobedadeak aurkeztuko dituzte, zenbait argazki eta bideo proiektatzeagaz batera. Besteak beste, Garazi Sanchez Ortun surflari getxoztarrak jasoko du Euskal Herriko Surf Zirkuituko lehenengo saria.
20:30
"Yo, Feuerbach" antzezlana
Kultur Leioako entzungela, Leioa | AntzerkiaBariku honetan, urtarrilak 13, "Yo, Feuerbach" antzezlana eskainiko dute Grec Festival 2016 de Barcelona, Velvet Events eta Buxman Producciones taldeek. Saioa Kultur Leioako entzungelan izango da, 20:30ean. Sarrerak 9 eta 18 euroan daude salgai.
Euskara Irakurle Kluba
Kultur Leioa, Leioa | Berbaldiak eta mahainguruakLaugarren urtez, Leioako Udal Liburutegiak antolatuko du Euskara Irakurle Kluba. Aurreko urteetako mekanika jarraituz, literaturazaleak hilabete bakoitzeko hirugarren asteazkenean bilduko dira Kultur Leioako lehenengo solairuko hemerotekan, 19:30ean. Urriaren 19an izango da lehenengo saioa, Alaine Agirreren "X hil da" liburuaren gainean berba egiteko.
"Helmugak" margo-erakusketa
Algortako Torrene aretoa., Getxo | ErakusketakEndika Basaguren Ansoleaga artista berangoztarraren "Helmugak" margo-erakusketa joan den zapatuan, urtarrilak 7, zabaldu zuten, Algortako Torrene aretoan. Urtarrilaren 29ra arte, domeka, bisitatu ahal izango da; sarrera, doan. Ordutegia ondokoa izango da: eguaztenetik barikura, 11:00etatik 13:00etara eta 17:00etatik 20:00etara; zapatuetan, 12:00etatik 14:00etara eta 18:00etatik 21:00etara; eta domeketan, 12:00etatik 14:00etara.
Tosu Betirako erresistentzia-kanpaldia
Tosu landa, Getxo | MobilizazioakDragados S.A. eta Geotecnia y Cimientos S.A. (Geocisa) enpresek osatutako aldi baterako enpresa-elkarteak eramango ditu aurrera Getxoko Ibarbengoako metro geltokiaren ondoan parkinga eraikitzeko obrak. Esleipenak joan den azaroaren 22an egin zituen Eusko Jaurlaritzak, 2.991.076,88 eurotan (BEZ barik). Hartara, enpresa biek 12 hilabete izango dituzte obrak egiteko, esleipena sinatu eta hurrengo egunetik aurrera.
19:0013:30
"Elkartasun erantzunak EB basatiaren aurrean" jardunaldiak
Fadura kiroldegia, Getxo | Berbaldiak eta mahainguruakGaur egun errefuxiatuek bizi duten egoera eta Europar Batasunaren "politika basatiak" ikustarazteko jardunaldiak egingo ditu aste-akabu honetan Getxoko Ongi Etorri Errefuxiatuak taldeak. Jardunaldiak urtarrilaren 13 eta 14an izango dira, Algortako Fadurako kiroldegiaren areto nagusian, "Elkartasun erantzunak EB basatiaren aurrean" izenburupean.
