Igandea, uztailak 2

12:00

Emakume batek jasandako sexu-erasoa salatzeko kontzentrazioa

Emakume bati sexu-erasoa egin diote bart, Sopelako jaietan, udal-arduradunek jakinarazi dutenez. Hala, Udalaren Bozeramaileen Batzordeak "erabateko gaitzespena" adierazi dio, aho batez, gertaera horri; era berean, "laguntasuna" azaldu dio erasotutako emakumezkoari. Ildo berean, bihar, domekan, erasoa gaitzesteko 15 minutuko kontzentrazioa egingo dute, 12:00etan, udaletxearen aurrean.

Begoñako galerietarako bisita-gidatuak

Begoñako galeriak ezagutzeko beharrezkoa da aurretik izena ematea; horretarako epea zabaldu dute daborduko. Galeriak apirilaren 1etik uztailaren 30era bisitatu ahal izango dira. Aurrekoetan legez, izen-ematea egin ahal izango da udalaren webgunean edo Turismo Bulegoaren telefono-zenbakira (944 910 800) deituta.

10:00

20:00

Zaintzaileen bila, omenaldirako

Uribe Kostako Mankomunitateko Gizarte-Ekintza saila, Sopelako Udalagaz, Bizkaiko Foru Aldundiagaz eta eskualdeko beste Udalakaz elkarlanean, menpekotasuna duten senideen zaintzaile ez-profesionalak bilatzen dabil, gizartean ikusgai egiteko kanpaina baten bidez.

Proiektors erakusketa

Ekainaren 30etik uztailaren 1era egingo dute Plentzian nazioarteko zinema beltzeko film laburren Mikrofilm Short Festival jaialdiaren 6. edizioa. Aurten, gainera, Proiektors erakusketa egingo dute ekimen horren barruan. Erakusketa horretan, 30. eta 70. hamarkaden arteko 30 zinema-proiektore inguru daude, askotariko formatutakoak: 8 mm, Super 8, 16 mm edota 35 mm; eta hainbat markatakoak: Bell&Howell, Kodak, Eiki, Micro Ci Son, Bauer, Elmo, Marin, Bollex Paillard edota Eumig. Erakusketa horren helburua da herritarren oroitzapen-kutxetan egon litezkeen pelikulak berreskuratzea. Hori dela eta, beren film artxiboak eramateko gonbidapena egin die antolatzaileek herritarrei.

San Pedro jaiak

Kuadrillek txosnetatik udaletxera egingo duten jaitsieragaz emango zaie hasiera San Pedro jaiei, bihar, ekainaren 28an; 19:00etan abiatuko dira lagun-taldeak eta, helmugara helduta, erakustaldia egingo du bakoitzak. Horren ostean, 21:00etan, pregoia irakurri eta txupina botako du Sopelako emakume kirolariek, udaletxeko balkoitik. Ospakizunek uztailaren 2ra arte jarraituko dute.

Getxoko Nazioarteko Jazzaldia

Aurten ere izen handiko musikariek parte hartuko dute Getxoko Nazioarteko Jazzaldiaren 41. edizioan, hilaren 28tik uztailaren 2ra arte, Algortan. Saio nagusietan (Bihotz Alai plazan, 22:15ean), Chucho Valdés, Dianne Reeves, Christian Scott, Bill Evans, Dean Brown eta Andrej Olejniczak izango dira; horiei batuko zaizkie talde-lehiaketaren kontzertuak (Bihotz Alai plazan, 21:00etan); beste behin ere, Europako jazz-musikari gazteen lanaz gozatzeko aukera egongo da. Bestalde, Hirugarren Milurtekoa atalean, eskaintza ugaria izango da: Ana Bejerano Concept, Alberto Arteta Group, Daahoud Salim Quintet, Giulia Valle Trío eta The Machetazo taldeak igoko dira agertokira, Telletxe plazan; emanaldiak 19:00etan hasiko dira.

Arriagako jaiak

Erandioko festen maratoia aurrera doa eta Kukularrako jaiei jarraipena emango diete Arriagako festek, datorren aste-akabuan. Besteak beste, Olgetan Solas jolasak izango dira auzoan.

Mikrofilm Short Festival jaialdia

Gaur hasi behar zuen Mikrofilm Short Festival jaialdia, Plentzian. Hala ere, eguraldiagatik, egun batez atzeratu egin behar izan dute: uztailaren 1ean eta 2an egingo dute genero beltzeko film laburren jaialdia.

Algortako Ingurumen Aretoko jarduerak

Joan den martxoaren akabuan ipini zuten berriro martxan Getxoko Ingurumen Aretoa, Larrañazubi inguruan. Ordutik, hamaika izan dira bertan egindako jarduerak, gazte zein helduentzat. Udarako ere egitarau luzea prestatu dute, uztailaren 30 arte: ibilbide gidatuak, marrazketa-tailerrak, lore-tailerra eta sendabelarren tailerra, besteak beste. Saio denak doakoak izango dira.

13:00

20:00

Uztailarekin batera, bertsozaleak Sopela aldera!

Uztailaren hasiera oso indartsua izango da Sopelan. Batetik, zapatuko saioak (hilaren 1ean) konbinazio ausarta bezain erakargarria esakiniko digu: Mendiburu, Lizaso, Bartra, Arzallus; eta domekan (hilak 2) sari banaketa "bertsotsua" izango dugu Arrate, Paule eta Unairen eskutik. Miren Loizagaren gaiek kalitatezko errematea emango diote bertso-asteburuari. Denok Sopelara, belarriz gozatzera! http://www.albe.eus/berriak/702-uztailarekin-batera-bertsozaleak-sopela-aldera