Larunbata, abuztuak 12

21:00

Bi poliedro

Aitor Furundarena ordiziarrak (akordeoia) eta Garikoitz Mendizabal zestoarrak (txistua) osatzen duten Bi poliedro taldeak kontzertua eskainiko du zapatuan, hilaren 12an, 21:00etan, Gorlizko elizan.

22:15

"Zikoinak" filma

"Ilargipeko zinema" goiburutzat hartuta, "Zikoinak" filma ikusteko aukera egongo da, zapatu honetan, abuztuaren 12an, Larrabasterrako Urgitxieta plazan. Animaziozko pelikula 22:15ean proiektatuko dute; sarrera, doan.

10:00

20:00

Zaintzaileen bila, omenaldirako

Uribe Kostako Mankomunitateko Gizarte-Ekintza saila, Sopelako Udalagaz, Bizkaiko Foru Aldundiagaz eta eskualdeko beste Udalakaz elkarlanean, menpekotasuna duten senideen zaintzaile ez-profesionalak bilatzen dabil, gizartean ikusgai egiteko kanpaina baten bidez.

Surfari buruzko film laburren lehiaketa izena ematea

Irailaren 21etik 24ra arte egingo da Sopela Kosta Fest jaialdia. Daborduko surfari buruzko film laburren lehiaketan parte hartzeko epea zabaldu dute antolatzaileek: lanak irailaren 3ra arte aurkez daitezke. Guztira, 1.000 euro banatuko dira saritan: lanik onenak 500 euroko dirusaria jasoko du, 250 euro herriko egile onenak eta beste 250 euro "Taula lila” alorreko irabazleak. Atal honetan emakumeek eginiko film lab urrek parte hartuko dute, eta "emakumezkoek surfean duten presentziari garrantzia emango zaio, estereotipoak edota genero ikuspegiko desberdintasunak apurtzeko grinarekin, beti ere", udal-iturriek adierazi dutenez.

San Lorentzo jaiak, Astrabuduan

Astrabuduan, abuztuaren 9an emango diete hasiera San Lorentzo jaiei; ospakizunak abuztuaren 13ra arte iraungo dute.

Urizarko jaiak

Abuztuaren 11tik 16ra Urizarren Andra Mari jaiak ospatu ostean, atsedenalditxo bat hartu eta, hilaren 19an, beste parranda-egun bat ere edukiko dute lemoiztarrek.

Algortako Portu Zaharreko jaiak

Bariku honetan, etzidamu, umeen kuadrillek hasiera emango diete Algortako Portu Zaharreko jaiei, ohiko mozorro-jaitsieraz, 12:15ean. Arrastian, berriz, kuadrillen txanda izango da, 18:00etatik aurrera. Bigantxa Solte Dagok iazko kuadrilla-txapelketaren irabazleak eroango du aurten Txo panpina.

20:00

18:00

Portu Zaharreko bertso-saioak

Algortako Portu Zaharreko Etxetxu plazak bertako eskailera maila beste bertso eder entzun ditu, hango giro kresaltsu sorgintzailean. Abuztuaren 12an S. Lizasok eta I. Vidalek eutsi egingo diote tradizio luzeari. Marmitako eguneko sari ematea ALBEko gazteen kontu. Laster jausiko zara kai zaharreko euskal xarmaren sareetan! http://www.albe.eus/berriak/716-portu-zaharreko-bertso-saioak