Asteartea, abuztuak 15

10:00

20:00

Zaintzaileen bila, omenaldirako

Uribe Kostako Mankomunitateko Gizarte-Ekintza saila, Sopelako Udalagaz, Bizkaiko Foru Aldundiagaz eta eskualdeko beste Udalakaz elkarlanean, menpekotasuna duten senideen zaintzaile ez-profesionalak bilatzen dabil, gizartean ikusgai egiteko kanpaina baten bidez.

Surfari buruzko film laburren lehiaketa izena ematea

Irailaren 21etik 24ra arte egingo da Sopela Kosta Fest jaialdia. Daborduko surfari buruzko film laburren lehiaketan parte hartzeko epea zabaldu dute antolatzaileek: lanak irailaren 3ra arte aurkez daitezke. Guztira, 1.000 euro banatuko dira saritan: lanik onenak 500 euroko dirusaria jasoko du, 250 euro herriko egile onenak eta beste 250 euro "Taula lila” alorreko irabazleak. Atal honetan emakumeek eginiko film lab urrek parte hartuko dute, eta "emakumezkoek surfean duten presentziari garrantzia emango zaio, estereotipoak edota genero ikuspegiko desberdintasunak apurtzeko grinarekin, beti ere", udal-iturriek adierazi dutenez.

Urizarko jaiak

Abuztuaren 11tik 16ra Urizarren Andra Mari jaiak ospatu ostean, atsedenalditxo bat hartu eta, hilaren 19an, beste parranda-egun bat ere edukiko dute lemoiztarrek.

Algortako Portu Zaharreko jaiak

Bariku honetan, etzidamu, umeen kuadrillek hasiera emango diete Algortako Portu Zaharreko jaiei, ohiko mozorro-jaitsieraz, 12:15ean. Arrastian, berriz, kuadrillen txanda izango da, 18:00etatik aurrera. Bigantxa Solte Dagok iazko kuadrilla-txapelketaren irabazleak eroango du aurten Txo panpina.

Erandiogoikoko Andra Mari jaiak

Abuztuaren 13an, domekan, abiatuko dituzte aurtengo Andra Mariren omenezko jaiak, Erandiogoikoan. Martitzena bu­katu arte, ospakizunez gozatzeko aukera izango dute bertoko herritarrek zein auzora hurreratuko diren pertsona denek.

23:00

04:00

Urduliztik Bilboko Begoñako basilikara erromesaldia

Iaz legez, Urdulizko Txiri-txiri ibilaldi bio-osasungarriak programaren barruan, Begoñako basilikarainoko ibilbidea egiteko hitzordua ipini dute: hilaren 14an, 23:00etan, Elortza plazan. Erromesaldian parte-hartu gura dutenek izena eman dezakete hilaren 12a baino lehenago, hau da, aste honetako zapatua izango da izena emateko azkeneko eguna.