Itsas Zaindarien Sareko hogeita hamar urpekari eta boluntario inguruk Algortako Portu Zaharraren inguruko itsas hondoa garbituko dute zapatuan, hilaren 14an, 10:00etatik aurrera.
Urriak 14 indar okupatzaileak zirikatzeko eguna. Alde hemendik!
"Ez dok hiru!" antzezlanaz gozatzea aukeran egongo da zapatuan, urriaren 14an, Getxoko Antzerki Jardunaldietan. Tartean konpainiako Patxo Telleria eta Mikel Martinez igoko dira oholtzara, Areetako Andrés Isasi musika-eskolan. Hiru musika-aktorek lagunduko dituzte; horien artean dago Maria Arriaga algortarra. Emanaldia 20:00etan hasiko da eta sarrerak 10 euroan egongo dira.
Udagoienean bete-betean sartuta gaudela, urriko egitaraua prestatu du Getxoko Ingurumen Aretoak. Hala, hilaren akabura bitartean, eskulanak, tailerrak eta erakusketak egongo dira, besteak beste. Saio denak doakoak izango dira.