Igandea, urriak 29

09:00

Hiru baselizen herri-ibilbidea

Leioako hiru baselizen herri-ibilbidea egingo dute domekan, urriaren 29an. Leioako Euskal Kirol Zaleak elkarteak lotuko ditu San Bartolomeko, Ondizko eta Santimamiko baselizak, martxa horretan. Udalak eta merkatarien elkarteak babestu dute ekimena, txango berezi hori bosgarren urtez egiteko.

18:00

Plentzia eta Gorlizko gazte asanbladaren bilera irekia

Azkenaldian Plentziako eta Gorlizko gazte mugimenduak izandako bilakaeraren berri eman eta etorkizunaz berba egiteko bilera irekira deitu du gazte-asanbladak; hitzordua domekan izango da, hilaren 29n, 18:00etan.

Getxoko Ingurumen Aretoaren urriko egitaraua

Udagoienean bete-betean sartuta gaudela, urriko egitaraua prestatu du Getxoko Ingurumen Aretoak. Hala, hilaren akabura bitartean, eskulanak, tailerrak eta erakusketak egongo dira, besteak beste. Saio denak doakoak izango dira.

ERRIGORAren udagoieneko kanpaina, otzarak eskatzeko epea

Martxan da Errigoraren udagoieneko kanpaina: azaroaren 14ra arte eskatu ahal izango dira Errigoraren otzarak: Nafarroa hegoaldeko uzta, euskarari puzka ere ematen diona. Uribe Kostako hainbat lekutan egin daitezke otzaren eskaerak, baita online ere. Aste-akabu honetan, otzarak eta abarrak prestatzeko herrilana antolatu dute Ablitasen, azaroaren 2tik 4ra bitartean. Saskiak edo otzarak banatzeko epea azaroaren 23tik abenduaren 3ra bitartekoa izango da, eta ordaintzeko tartea abenduaren 4tik 14ra.

13:00

12:00

Arraun-ergometroko 24 orduko munduko marka hobetzeko saioa

Aste-akabu honetan, arraun-ergometroko 24 orduko munduko marka hobetzen ahaleginduko dira, Algortako  kirol-portuan. Zapatuko 13:00etan hasiko da beharrean Getxo udalerriko, Bartzelonako eta Alacanteko zenbait klubetako hamar kirolarik osatutako talde mistoa.