Asteazkena, abenduak 20

15:00

Langile baten kaleratzea salatzeko elkarretaratzea

Algortako Gaztelekua kudeatzen duen Aisibizia Elkarteak langile bat kaleratu zuen joan den eguenean, LAB sindikatuak jakinarazi duenez. "Ekintza horren bidez, eta bete aitzakia ezberdinak erabiliz, langileen antolaketarako edozein aukera eraitsi nahi zuten", deitoratu du sindikatuak. Hori salatzeko, elkarretaratzea egingo dute gaur, eguaztenean, Areetako Eskoletako plazan. Hitzordua 15:00etan jarri dute.

19:30

Jokin de Pedro Literohitura Irakurle Taldeagaz

Getxolandia Gabonetako Haur Parkea

Getxolandia Gabonetako Haur Parkeak ez du karparik izango aurten, aurreko urteetan izandako edukiera arazoak saihesteko. Gainera, ohi baino astebete lehenago zabalduko ditu ateak, abenduaren 16an, alegia. Urtarrilaren 7ra arte gozatu ahal izango da bertan egongo diren atrakzioez.

Gabonetako ekitaldiak Sopelan

Aurten ere, ekintzaz beteriko egitaraua antolatu du Sopelako Udalak, herritar guztiek Gabonetan zehar disfruta dezaten. Hogeita hamarna ekintza egongo da: kanpai aurreratuekin hasiko da programazioa, zapatu honetan, abenduaren 16an; eta urtarrilaren 5ean amaituko da, Errege Magoen kabalgatagaz.

Gabonetako ekitaldiak Leioan

Leioako Udaleko Kultura eta Gazteria Arloak aisialdi-jarduera ugari antolatu ditu Gabonetarako; besteak beste, abenduaren 24ra arte, Olentzerori idatzitako gutuna eroan ahal izango da Kultur Leioako sarrerara. Horrez gainera, Leioako Merkatarien Elkartearen laguntzaz, hilaren 22an, barikuan, gaztaina-jana egingo dute, 18:00etatik aurrera. Aste horretako domekari dagokionez, Olentzero Elexaldeko errotatik abiatuko da, Leioako erdigunea zeharkatuz, Kultur Leioara iristeko; bertan, umeei harrera egingo die ikazkinak, 18:30etik aurrera. Beste hainbat auzotatik (Lamiako, Txorierri, eta San Bartolome) ere igaroko da Olentzero.