Asteazkena, urtarrilak 24

Asisko Urmeneta Irakurzaleen Txokoan

Urtarrilaren 25ean Asisko Urmeneta gurean izango dugu bere azken narrazio grafikoaz "Euskalbo Alaiak" berba egiteko. Solasaldia hasi aurretik, 19:00etan lagun talde bat elkartuko gara liburuaren inguruan berba egiteko eta 19:30ean Asisko etorriko zaigu aurkezpen txikia egiteko eta sortu zaizkigun galderei erantzuteko. Beraz, urtarrilaren 25ean, osteguna, elkartuko gara Algortako Villamonte Kultur Etxean; 19:00etan edo 19:30ean etortzea zuen aukera da.

10:00

14:00

Getxoko Ingurumen Aretoaren urtarrileko egitaraua

Urte berrian bete-betean sartuta gaudela, urtarrileko egitarauan murgilduta dago egunotan Getxoko Ingurumen Aretoa. Hala, hilaren akabura bitartean, askotariko jarduerak egongo dira aukeran. Saio denak doakoak izango dira.

Seilu erakusketa Plentzian

Hilaren 15etik 27ra bitartean, trenari lotutako seilu erakusketa egongo da ikusgai Plentziako Goñi Portal kultur etxean. Udalak azaldu duenez, 12 bildumatako zigiluak egongo dira ikusgai, "trenari buruzko gai interesgarriak jorratuz", hala nola trenaren historia, burdin-bideak, tren-ibiltaria eta lokomotorra ONCEren kupoietan.