Kale eta plazetara irten dira Euskal Herri osoan ehunka emakume eta gizon, domeka honetan, otsailaren 4an. Eta Uribe Kosta ez da salbuespena izan. Asko izan dira baserritarrez jantzita eta egurrezko makila eskuan kantari ibili direnak.
ALBEko bertsolariak eta Lauaxeta AEK-ko kideak abestera aterako dira domekan, Agate Deunaren bezperan, eskualdeko beste talde asko legez. Santa aitzakiatzat hartuta, Algorta eta Getxo inguruko baserriz baserri ibiliko dira egun osoan, ohiturak agintzen duen gabonsaria, aginaldoa, baserritarrei eskatzen.
Martxoaren 18ra arte, Marta Zelaia Aranbaltza (Urduliz, 1962) sortzailearen "Sokatira 2014-2017" erakusketa ikusbide izango da Bilboko Rekalde Aretoan. Urduliztarragaz batera, bost artista gaztek parte hartuko dute Bizkaiko Foru Aldundiak sustatutako Barriek 2018 egitasmoan.
Zapatuan eta domeka hauetan jokatuko da Patinaje Artistikoko Getxo Hiria Nazioarteko V. Txapelketa, Fadurako kiroldegian. Show Getxo Patinaje Klubak antolatu du lehiaketa hori Getxo Kirolak udal-erakundeagaz lankidetzan; modalitate horretako 330 kirolarik hartuko dute parte; taliatik eta Estatu espainiarreko bederatzi autonomia-erkidegotatik etorriko dira kirolariak.