Getxoko Ibetas estrata inguruan sasiak kendu dituzte udal-langileek, bertatik igarotzen den Sarri errekatxoa agerian utziz. Getxoko Auzokideok eta Tosu Betirako plataformek auzolana deitu dute domekarako, inguru hori berreskuratzeko asmoz.
Domeka honetan, hilaren 25ean, lehenengo aldiz egingo dute kontzentrazio bat errugbi inklusiboan dabiltzan euskal taldeek. Faduran izango da hitzordua, goizeko 11:00etatik aurrera, Getxo Rugby Taldearen partaidetzagaz.
Martxoaren 18ra arte, Marta Zelaia Aranbaltza (Urduliz, 1962) sortzailearen "Sokatira 2014-2017" erakusketa ikusbide izango da Bilboko Rekalde Aretoan. Urduliztarragaz batera, bost artista gaztek parte hartuko dute Bizkaiko Foru Aldundiak sustatutako Barriek 2018 egitasmoan.
Unai Endemañoren "Rock & roses" argazki-erakusketa otsailaren 28ra arte ikusbide izango da, Sopelako Kurtzio kultur etxean; sarrera, doan.