Apirilaren 26ean Kattalin Miner gurean izango dugu "Nola heldu naiz ni honaino" bere azken liburuaz berba egiteko. Solasaldia hasi aurretik, 19:00etan lagun talde bat elkartuko gara liburuaren inguruan berba egiteko eta 19:30ean Kattalin etorriko zaigu aurkezpen txikia egiteko eta sortu zaizkigun galderei erantzuteko. Beraz, apirilaren 26an, osteguna, elkartuko gara Algortako Villamonte Kultur Etxean; 19:00etan edo 19:30ean etortzea zuen aukera da.
Leioako Mugimendu Feministak eta Sopelako Aistak taldeak deituta, elkarretaratzea banaz erantzungo diote Leioan eta Sopelan Nafarroako Lurralde Auzitegiak gaur kaleratu duen 2016ko Sanferminetako talde-bortxaketaren epaiari eta "justizia heteropatriarkalari". Hitzorduak gaur arrastiko 18:45ean eta 19:00etan ipini dituzte, hurrenez hurren, Leioako eta Sopelako udaletxeen aurrean.
Romo Kultur Etxearen irekiera dela eta, apirilaren 19tik maiatzaren 8ra zenbait bisita gidatu antolatu dituzte. Bisiten iraupena 45 minutukoa izango da, gutxi gora behera, eta taldeak 20 lagunekoak izango dira, gehienez.
Kultura-aniztasuneko esparruetan euskarari buruzko hausnarketa egitea da Getxoko Udalak «Euskara, immigrazioa eta kultura-anizasuna» izenburupean antolatutako bi saioen helburua. Ekitaldia Euskarak 365 Egun ekimenaren barruan ere sartzen da.