Sopelako AEK-k antolatuta, Esaera Zaharren Txapelketaren 25. edizioa jokatuko dute zapatu honetan, apirilaren 28an. Hamar taldek eman dute izena.
Lan Osasunaren Nazioarteko Eguna da zapatua, apirilaren 28a. Hori dela eta, Sopelako EH Bilduk ekitaldi xumea egingo du, Jauregizar plazako oroigarrian, "Lan-istripuz hildako lagunak, beti gogoan” goiburuaren pean. Hitzordua 13:00etan ipini dute; lore-eskaintza eta ohorezko dantza egingo dituzte.
Maiatzaren 25ean 40 urte beteko ditu Lamiako Maskaradak. Hala ere, aurretik, ekitaldi gehiago egongo dira. Zapatu honetan, apirilaren 28an, dokumentala aurkeztuko dute eta maiatzaren 12an Euskal Jaiaren bosgarren edizioa egingo dute.
Zapatu honetan, apirilaren 28an, Andrés Limak zuzendutako "El amor no dura para siempre (Romeos y Julietas)" ikuskizuna taularatuko dute, Sopelako Kurtzio kultur etxean. Hitzordua 20:00etan ipini dute; sarrerak 5 euroan egongo dira. Hala, Fritsch Company Maite Leon Psico Ballet fundazioaren konpainiako dantzariak igoko dira eszenariora; konpainiak aniztasun fisikoa, psikikoa, intelektuala, garapenekoa edo sentsoriala duten pertsonen laneratzea du helburu, eta arte eszenikoak erabiltzen ditu horretarako.
Romo Kultur Etxearen irekiera dela eta, apirilaren 19tik maiatzaren 8ra zenbait bisita gidatu antolatu dituzte. Bisiten iraupena 45 minutukoa izango da, gutxi gora behera, eta taldeak 20 lagunekoak izango dira, gehienez.
Kultura-aniztasuneko esparruetan euskarari buruzko hausnarketa egitea da Getxoko Udalak «Euskara, immigrazioa eta kultura-anizasuna» izenburupean antolatutako bi saioen helburua. Ekitaldia Euskarak 365 Egun ekimenaren barruan ere sartzen da.