Maiatzaren 30ean, eguaztenean, Kostaldeko Getxo ibilbide toponimikoa egingo dugu. Arratsaldeko 18:00etan lotuko gara Portu Zaharreko Etxetxun. Ibilbidea 20:30ak aldera bukatuko da. Izena emateko deitu 688.635.350 telefonora edo idatzi getxo.toponimia@gmail.com helbidera.Ibilbideak euskaraz eta doakoak dira. Animatu eta eman izena!
Ongi Etorri Errefuxiatuak (OEE) plataformaren taldea sortu gura dute Leioan; aurkezpena eguaztenean, hilaren 30ean, izango da, Leioako Sakoneta kiroldegiaren erabilera anitzeko aretoan, 19:00etan.
Jon Aiartza Zallo legebiltzarkide jelkideak berbaldia emango du eguaztenean, maiatzaren 30ean, pentsioen gainean. Ekitaldia Altzagako batzokian izango da, 19:30ean; Erandioko EAJk antolatu du.
Beste urte batez, Sopelako Udalak ekintzaz beteriko egitaraua antolatu du udako oporrei begira, besteak beste: Udaleku Irekiak, Surf Udalekuak, Summer Camp, Musikanp, Zientzia Udalekuak eta Musikaz Blai.