Prestakuntza-jardunaldia Getxoko Udalak antolatu du, Etorkintza Fundazioagaz elkarlanean. Saioa ekainaren 1ean, barikuan, izango da, Romo Kultur Etxean, 09:00etatik 14:00etara. Izen-ematea maiatzaren 25ean amaituko da.
Altzaga eta Astrabudua auzoetan "ostalaritza dinamizatzeko" III. Pintxo Lehiaketa antolatuko du Erandioko Udalak, ekainaren lehenengo aste-akabu bietan. Aurkeztuko diren pintxoak jendearen eskura izango dira, gutxienez, honako ordutegi honetan: 12:00etatik 15:00etara eta 19:00etatik 22:00etara. Domeketan, goizez baino ez.
Eguenetik domekara arte jaietan murgilduta ibiliko dira Erandiogoikoko auzotarrak eta bisitariak, Gorpuzti jaia aitzakiatzat hartuta.
Joan den aste-akabuan ospatu ziren San Maximo jaiak; Txorierri auzoak hartuko dio lekukoa Lamiakori, barikutik aurrera. Hala, lehenengo egunean, kuadrillen jaitsiera egingo dute, txupina jaurti eta berehala.
Ingurumen Aretoa astelehenetik barikura dago zabalik, 10:00etatik 14:00etara eta 15:30etik 17:30era; zapatu, domeka eta jaiegunetan, berriz, 10:00etatik 14:00etara.