Igandea, irailak 23

09:30

Etzandarri euskal mendi-taldearen irteera Orixol mendira

Interesdunek 688 602 121 (Marian) telefonora deitu dezakete izena-emateko. Txangoa Armintzako autobus-geltokitik irtengo da goizeko 09:30ean, Oletako San Kristobal baselizara heltzeko. Bertatik igoko dira Orixol mendiaren (1.132 metro) gainera. Buelta 16.00-17:00ak aldera egingo dute.

10:00

Uribe Kostako preso, iheslari eta deportatu politikoen aldeko martxa

Martxa zutabe bitan banatuko da: lehenengoa, Astrabudutik irtengo da; Leioa (10:15), Itzubaltzeta/Romo (11:00) eta Algorta (12:15) zeharkatuko ditu. Bigarrena Plentziatik irten eta Urduliztik (11:15) eta Sopelatik (12:15) igaroko da. Zutabe biak Berangon elkartuko dira, 13:30ean; eta ekitaldia egingo dute, 14:00etan.

10:15

Getxoko Duatloi Txikia

Domeka honetan, irailaren 23an, Getxoko VII. Duatloi Txikia egingo da, Fadurako belodromoan, 10:15etik aurrera. Proban, oinez eta bizikletaz lasterketak egingo dira. Getxo Triatloi Taldeak antolatu du proba, Getxo Kirolak udal-erakundeagaz elkarlanean.

10:30

Berangoko Burdin Hesiaren Oroimenaren Museoaren VI. urteurrena

Berangoko Burdin Hesiaren Oroimenaren Museoak sei urte bete ditu aurten. Urtemuga hori ospatzeko, urteurren jaialdia egingo dute domekan. Hala, familia arteko gymkana-abentura egingo dute, 10:30etik aurrera.

10:00

14:00

Getxoko Ingurumen Aretoaren programazioa

Abuztuko etenaldiaren ostean, gogotsu heldu dio Getxoko Ingurumen Aretoak ikasturte berriari. Hala, irailaren 1ean hilabete honetarako egitarauari hasiera eman zioten, txikientzako tailerrakaz eta altxorraren bila jolasagaz. Aste-akabu denetan askotariko jarduerak egongo dira gozagai.

Getxophoto jaialdia

Gaur, eguaztenean, hasiko da Getxophoto, Getxoko Nazioarteko Irudi Jaialdia. Horretan, munduko 20 bat artisten ikus-entzunezko lanak ikusi ahal izango dira, udalerrian zehar kokatutako gune ezberdinetan, irailaren 30era arte. Oraingoan, "Gatazka-ostea, elkarrizketa berreraiki" izango da leloa. Lanok gatazka ekologikoak, politikoak eta gizakien artekoak jorratzen dituzte, baita gatazka ondorengo aldietako ondorioak eta elkarrizketa berreraikitzea ere.

19:00

Getxophoto 2018

Datorren asteko eguaztenean, irailak 5, hasiko da aurtengo Getxophoto. Hamabigarren ediziora ailegatuko da honenbestez Begihandi kolektiboak antolatutako argazki-jaialdia, oraingoan gatazken osteko elkarrizketa-bideei arreta emanez, eta beti bezala espazio publikoari lehentasuna eskainiz.

17:00

19:00

Ekoguneko Inguru minguru tailerrak

Proposamen berriakaz hasi du Ekogunek ikasturte berria: Inguru minguru tailerrak. Arduradunek azaldu dutenez, horien helburua da txikienei inguruarekiko errespetua sustatzea. Tailerrok iraileko eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan, 17:00etatik 19:00etara.

Begirale ikastaroan izena ematea

Bizarra Lepoan euskara elkarteak eta Bizkaiko Urtxintxa eskolak Aisialdiko Begirale ikastaroa eskainiko dugu. Ikastaroa 2018ko urritik 2019ko maiatzera bitarteko zenbait asteburutan burutuko dugu. Guztira 150 ordu teoriko eta 160 ordu praktiko egingo ditugu. Ikastaroa euskaraz izango da eta parte hartzeko baldintza bakarra 18 urte beteta izatea edo praktikak hasi baino lehen beteta izatea. Prezioa 450 eurokoa da, aterpetxeen prezioa barne. Izena emateko epea irailaren 17tik 28ra izango da eta bankuko abonarea (ES54 2095 0233 10 9102257479), NAN fotokopia eta argazki bat ekarri beharko dituzu gure bulegora. Goizez 10:00 – 14:00 ordugegian egongo gara egunero eta astearte + ostegunetan arratsaldez ere 16:30 – 18:00 ordutegian.

Sopela Kosta Fest

Udako azken aste-akabuan, Kosta Fest jaialdi entzutetsuaren bosgarren edizioa egingo dute Sopelan; irailaren 20tik 23ra artean, ehunka jarduera egongo da, doan. Besteak beste, Nafarroako El Columpio Asesino eta Kataluinako La Sra. Tomasa musika-taldeek joko dute.

Areetako Mesedeetako jaiak

Etzi, barikuan, hasiko dira Areetako Mesedeetako jaiak, eta hiru egunez, adin denentzako hamaika ekitaldi egongo dira aukeran. Ohi den bezala, Eskoletako plaza eta Adiskidetasun kalea izango dira festetako gune nagusiak.