Larunbata, urriak 6

09:30

Itsas-hondoaren garbiketa

Marefondum irabazi asmorik gabeko elkarteak itsas hondoa garbitzeko ekintza berri bat antolatu du, Getxoko Udalaren laguntzagaz. Jardunaldia 09:30ean hasiko da, Arriluzeko moilan; bertan harrera egingo zaie Itsas Zaindarien Sareko urpekariei eta lehorretik lagunduko dituzten pertsona boluntarioei, taldeak koordinatzeko. Garbiketa 11:00etan hasiko da eta 12:15ean batuko dira parte-hartzaileak; kontzientziazio-berbaldi txiki bat ere eskainiko zaie.

16:10

Berangoko Nazioarteko Milia

Zapatu honetan egingo da Berangoko Nazioarteko Miliaren 31. edizioa. Ohi legez, nazioarteko atletismoaren izarrak izango dira Gobelalde kaleko zirkuituan, bertoko oinarrizko kirola ahaztu barik. Probaz harro dago Berango Atletismo Taldea.

17:00

BBT18: Lehenengo kanporaketa Gernikan

Udagoieneko lehenengo saioa urriaren 6an jokatuko da Gernika-Lumoko Lizeo Antzokian, 17:00etatik aurrera; sarrerak salgai daude Interneten eta txarteldegian ere eskuratu ahal izango dira zapatuan, 16:00etatik aurrera. Kanporaketa horretan, Imanol Uria algortarrak eta Paule Ixiar Loizaga sopeloztarrak parte hartuko dute.

17:00

19:00

Ekoguneko Inguru minguru tailerrak

Proposamen berriakaz hasi du Ekogunek ikasturte berria: Inguru minguru tailerrak. Arduradunek azaldu dutenez, horien helburua da txikienei inguruarekiko errespetua sustatzea. Tailerrok iraileko eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan, 17:00etatik 19:00etara.

Zapatutan sendientzako tailerretan izen-ematea

Erandioko Udaleko Euskara Zerbitzuak antolatzen duen Zapatutan ekimena hilaren 20an izango da bueltan, sendientzako ekintza dibertigarriz lepo. Urriaren 20an egingo dute udagoienean ere familia giroan eta euskaraz ondo pasatzeko lehenengo jarduera eta abenduaren 15ean amaituko dute zikloa. Ohi legez, zapatuetan izango dira jarduerak, 18:00etatik aurrera; daborduko izena eman daiteke.

Sorgina Txirulinak guraso eta umeentzat prestatutako tailerretan izen-ematea

Joan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.

Erandio Bonua kanpaina

Hirugarren urtez, Erandioko kontsumitzaileek hainbat deskontu lortu ahal izango dituzte, udalerriko dendariek eta Udalak bultzatutako Erandio Bonua erabiliz.

Erandioko Emakumeen Jabekuntza Eskolan izen-ematea

Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.

Astrabuduko Extremadurako Etxearen 37. kultur-astea

Astrabuduko Extremadurako Etxearen 37. kultur-astea ospatzeari ekingo diote gaur 19:30ean; Iñaki Basabe kantautoreak irakurriko du pregoia. Kultur-astea urriaren 14ra arte izango da; bitartean, musika- eta dantza-emanaldiak, umeen eta helduen jolasak eta otorduak izango dira, ohiko artisautza- eta gastronomia-azokagaz batera.

Bost Kontinenteetako Landareen Azoka

Munduko Landareen laugarren edizioa antolatuko dute Bizkaiko Foru Aldundiaren Basalan sozietate publikoak eta EHUk, datozen zapatu eta domekan, urriaren 6an eta 7an, EHUko Leioa eta Erandioko campuseko Arboretum eremuan. Azoka horretan, EAEko, Estatu espainiarreko eta Frantziako 34 ekoizlek mundu osoko landareen aukeraketa bat erakutsiko dute. Leioako eta Erandioko udalek eta BBK-ko Gizarte Ekintzak laguntzen dute ekimena.

Getxoarte: El Respiradero

Aste-akabu honetan, urriaren 6an eta 7an, Getxoarteren barruko El Respiradero izeneko ekimena izango da Areetako Xake plazan. Programa berri horrek arte eszeniko esperimentalak dauzka ardatz nagusi eta bertan, egun biz, hainbat ekintza eta performance egingo dituzte 20 artistak baino gehiagok.