Osteguna, urriak 18

17:30

Astrabuduko PSE-EEren ingurumen-jardunaldia

Biharko, eguenerako, ingurumen-jardunaldia antolatu du Astrabuduko elkarte sozialistak.

18:00

"Yogipuinak" saioa

Eguen honetan, urriaren 18an, "Yogipuinak" 5 urtetik gorako umeentzako saioa aurkeztuko du Maite Arrese Artabe ipuin-kontalari beasaindarrak, Romo Kultur Etxean. Hitzordua 18:00etan ipini dute; sarrera, doan (edukiera bete arte). Emanaldiak yoga eta ipuinak uztartzen ditu, euskaraz.

18:30

Euskaraldiko Sopelako hamaikakoaren aurkezpena

Euskaraldiko Sopelako batzordeak herriko hamaikakoa izango dena aurkezteko ekitaldia egingo du eguen honetan, urriaren 18an, Jauregizar plazan; hitzordua 18:30ean ipini dute. Horregaz batera, bertso-saioa egingo dute Paule Loizagak eta Unai Mendiburuk. Eta plaza-dantzak egongo dira, Meñakoz kultur elkarteko trikitilariakaz eta panderojoleakaz.

19:00

Errigoraren aurkezpena

Gautxoriak antolatuta, etzidamu, eguenean, Errigoraren udagoieneko kanpaina aurkeztuko dute kultur elkartearen lokalean, Altzagako San Jeronimo kaleko 22. zenbakian. 19:00etatik aurrera, Erriberako jaki-ekoizleak eta euskalgintza batu dituen ekimena ezagutzeaz gainera euren produktuak dastatzeko aukera izango da.

19:00

HIRUKA jardunaldiak: Nori erosi behar diogu jatekoa?

Apurka bada ere, gero eta jende gehiagok jotzen du hurbilekora elikagaiak erosteko orduan, saltoki handien eskaintzari muzin eginda. Salmenta zuzenaz berba egingo dugu, hain zuzen, datorren eguenean, tokiko hainbat ekoizle txiki batuta mahaiaren inguruan. Urdulizko Etxeandia garagardotegian izango da hitzordua. 

19:00

Ormatzako HAPOren aldaketa zehatzaren gaineko bilera

Getxoko Udalak bilera antolatu du Ormatzako esparruan egingo duen Hiri-Antolamenduko Plan Orokorraren (HAPO) aldaketa zehatza azaltzeko. Saioa bihar, eguenean, egingo da 19:00etan, Andra Mari kiroldegian. Besteak beste, saltoki eta bulegoetarako mila metro koadro baino gehiago erabili gura dituzte.

19:00

HIRUKA jardunaldiak: Nori erosi behar diogu jatekoa?

Elikadurari eta hurbileko salmentari arreta ipiniko die HIRUKAren jardunaldien bigarren saioak, eguenean, Urdulizko Etxeandia garagardotegian. 19:00etatik aurrera, lau ekoizlek euren ikuspuntuak azalduko dituzte.

17:00

19:00

Ekoguneko Inguru minguru tailerrak

Proposamen berriakaz hasi du Ekogunek ikasturte berria: Inguru minguru tailerrak. Arduradunek azaldu dutenez, horien helburua da txikienei inguruarekiko errespetua sustatzea. Tailerrok iraileko eta urriko barikuetan egingo dituzte, Uribe Kostako Zerbitzu Mankomunitatea osatzen duten zazpi udalerrietan, 17:00etatik 19:00etara.

Zapatutan sendientzako tailerretan izen-ematea

Erandioko Udaleko Euskara Zerbitzuak antolatzen duen Zapatutan ekimena hilaren 20an izango da bueltan, sendientzako ekintza dibertigarriz lepo. Urriaren 20an egingo dute udagoienean ere familia giroan eta euskaraz ondo pasatzeko lehenengo jarduera eta abenduaren 15ean amaituko dute zikloa. Ohi legez, zapatuetan izango dira jarduerak, 18:00etatik aurrera; daborduko izena eman daiteke.

Sorgina Txirulinak guraso eta umeentzat prestatutako tailerretan izen-ematea

Joan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.

Erandio Bonua kanpaina

Hirugarren urtez, Erandioko kontsumitzaileek hainbat deskontu lortu ahal izango dituzte, udalerriko dendariek eta Udalak bultzatutako Erandio Bonua erabiliz.

Erandioko Emakumeen Jabekuntza Eskolan izen-ematea

Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.

Galeako Olatu handiaren itxarote-fasea

Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.