Azaroaren 27ko udal-batzarrean horren aurkako mozioa onartu arren, Zentsurarik Ez plataformak adierazi duenez, Gontzal Hermosilla Sopelako alkateak argi utzi zuen epaiketek aurrera segituko zutela. Hala, eguazten honetan, abenduaren 5ean, lagun bat epaituko dute irailaren 29an egindako Zentsuraren Kontrako Eguneko mural denen egilea delakoan; hori salatzeko, elkarretaratzera deitu dute 10:45ean, Getxoko epaitegien aurrean.
Erandioko Udaleko Euskara Zerbitzuak antolatzen duen Zapatutan ekimena hilaren 20an izango da bueltan, sendientzako ekintza dibertigarriz lepo. Urriaren 20an egingo dute udagoienean ere familia giroan eta euskaraz ondo pasatzeko lehenengo jarduera eta abenduaren 15ean amaituko dute zikloa. Ohi legez, zapatuetan izango dira jarduerak, 18:00etatik aurrera; daborduko izena eman daiteke.
Joan den martxoan arrakasta handia izan ondoren, Erica Liquete ipuin-kontalari sopeloztarrak Sorgina Txirulinaren hainbat tailer berri eskainiko die Erandioko guraso erdaldunei, seme-alaben laguntzagaz euskarara hurreratzeko. Saioak urriaren 20tik abenduaren 15era izango dira, zapatuetan, 17:30ean; daborduko, izena eman daiteke.
Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.
Gabonetako "jaki ezin hobeak" prestatzen ikasteko aukera emango du Erandioko Berbalagun egitasmoak. Datozen eguazten bietan, abenduaren 5ean eta 12an. Izen-ematea zabalik dago.