Eguenean, abenduaren 13an, XXV. Boluntariotza Topaketa egingo du Sarekide Getxoko boluntariotza erakundeen elkarteak, Getxoko Udalaren laguntzagaz. Saioa Romo Kultur Etxeko batzar aretoan izango da, 18:00etan hasita.
Turismoari ipiniko dio arreta HIRUKAren jardunaldien azken saioak, abenduaren 13an, eguenean, Larrabasterrako Plaza Beltza kulturgunean, arrastiko 19:00etatik aurrera. Oier Kamiruaga turismo-teknikariak, Sopelako Turismo Bulegoko behargina den Olatz Arenazak, Andeka Larrea filosofoa eta antropologoak eta Jagoba Martinez Uribeko turismo-teknikariak parte hartuko dute mahai-inguruan.
Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.
Martxan daude presoen aldeko ikasle-asteak campus ezberdinetan. Hala, Leioako campuseko Presoen Sostengurako Taldeak (PREST) iragarri duenez, eguazten honetan, abenduaren 12an, itxialdia egingo dute Gizarte Komunikazio Zientzien Fakultatean. Halaber, "Emakumeak eta kartzela" berbaldia bihar izan beharrean, eguenean izango dela jakinarazi dute.
Lotsagarria iruditzen zaigu guztion diruarekin zinegotzioi Gabonetako otarrak ematea, lotsagarriak iruditzen zaizkigun pribilegio horiek ezabatu nahi ditugu, urtero ekimenak egiten ditugu baina PNV-PSE-PPk eta C´sek euren otarra nahi dute eta beti pribilegioei eusten diete. Zer iruditzen zaizue? Idatzi zure iritzia eta gure gabon otarren zozketan parte hartuko duzu. Zuenak dira, baina denei ezin dizkizuegunez itzuli, gure 6 otarrak zozkatuko ditugu. Anima zaitez eta bidali zure iritzia. PARTE HARTZEKO: Erantzun mezu honi (Abenduaren 20ko eguerdiko, 12ak baino arinago) pribilegio hauen inguruan zuen iritzia ematen: Facebooken eta ekintza partekatu. Instagramen (@ehbildugetxo) eta ekintza partekatu #Getxonpribilegiorikez traolarekin twitterren (@GetxokoEH Bildu) eta bertxiokatu #Getxonpribilegiorikez traolarekin. Getxoko EH Bilduren whatsappean (665 73 24 91). Emailez. getxokoehbildu@gmail.com. Zozketan parte hartzeko baldintza bakarra pribilegio hauen inguruko ZURE IRITZIA EMATEA eta partekatzea izango da. ZOZKETA ABENDUAREN 20AN EGINGO DUGU, (ZUEKIN HARREMANETAN JARRIKO GARA ZUEK ERABILITAKO BIDETIK) ETA 21ean OTARRA JASO BEHARKO DUZU. PRIBILEGIOEI STOP!
Ganemos Erandio plataformak "Hemen denok jolastuko dugu" kanpaina abiatu du, Erandioko elkarteentzako jostailuak batu eta "Gabonetan, neska-mutil bat ere gera ez dadin jostailu barik". Iaz egin zuten lehenengo aldiz eta lortutako arrakasta dela eta, aurten ere egingo dute.