Sopelako Udalak jakinarazi duenez daborduko agortu egin dira "Pinotxo" umeentzako antzezlan musikalerako sarrerak. Abenduaren 23an, domekan, 18:00etan izango da saioa, Kurtzio kultur etxean.
Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.
Gabonetako kontsumoari aurre egin guran, doako azoka antolatu du Itzubaltzeta/Romoko Matraka gazte asanbladak. Hala, norberak erabiltzen ez dituen gauzak Etxe Merkean uzteko deia egin dute, ondoren egingo duten azokan behar duenak behar duena har dezan.
Neguko solstizioaren bueltan Uribe Kostako herri guztietara iritsiko dira Olentzero eta Mari Domingi. Harrera egingo diete herriz herri, adi ibili!
Zapatu honetatik aurrera, Txikien Txanda kultur programak jolas-jarduera piloa proposatuko die txikienei, Erandiogoikoan, Altzagan eta Astrabuduan umeentzat egingo diren parkeetan. Gainera, programa osatzeko, antzerki-ikuskizunak eskainiko dira, hainbat proposamen eta formatugaz, publiko denen entretenimendu eta gozamenerako.