Hil honen 26an, Algortako Telletxe enparantzan eta Romo-Areetako Xake enparantzan egongo gara eguerdiko hamabietatik aurrera Udal Gobernuarekin hondakinen inguruan lortu ditugun neurriak jendeartean partekatzeko eta letxuga-kimuak banatzeko. Aurrera goaz gure ingurumenarekin hartu dugun konpromisoarekin eta ez dugu hutsik egingo. 2018. urteko amaieran udal gobernuarekin akordio bat lortu genuen hondakinen politikan aurrepausuak emateko. Akordio honetan jasotzen diren neurriak Hondakinen Udal Forora eraman genituen proposamenak dira eta, laburbilduz, hauexek dira: organikoaren bilketaren aldeko kanpaina indartsu bat egitea etxez etxe, gure udalerrian konpost gune bat ezartzea eta tasen azterketa egitea hobarien bidez gaikako bilketa egiten duten herritarrak saritzeko. Guk proposatutako neurri hauetaz gain Udal gobernuarekin sinatu dugun akordioan kontenedoreetan ahoak zabaltzea aurreikusten da poltsak sartzea errazteko. Gure apustua argia da: zero zabor politikan aurrepausuak ematea, gaikako bilketa sustatzea eta, azken finean, gure ingurumena zaintzea.
HIRUKA komunikazio-taldeari babesa emateko ekitaldia egingo dugu hilaren 26an, 13:00etan. Modu horretan amaituko da azaroaren hasieran abian ipini genuen “Zu zara giltza!” kanpaina. Hirukatar denak gonbidatuta zaudete gugaz batera argazkia egitera.
Datorren urriaren 17an, bosgarren ikasturteari ekingo dio Erandioko Emakumeen Jabekuntza Eskolak, datorren urteko ekainaren 7ra arte.
Urriaren 15etik martxoaren 31ra irekita egongo da 13. Punta Galea Challenge surf-txapelketaren itxarote-denbora. Iazko arrakastaren ondoren, proban izango dira berriro ere munduko olatu handien surflari onenak.