Izadi Gurasoekin Etxera dinamikaren barruan ostiralean, maiatzak 21, jai bat egingo da Getxoko Malakate parkean. 17:30etan hasiko da. Zatoz Izadirekin parkera!
Kontzertua: "Biba kantua!" Getxoko Andrés Isasi Elektrik Konexioa + Phillippe De Ezcurra + Thierry Biscary. Muxikebarrin, 19:00etan.
Berango Lurraren Defentsan taldeak jakinarazi duenez, haien kideetako batek epaitegian deklaratu behar izan du Amenabar Etxegintza Bizkaia S.L. enpresa eraikitzaileak haren kontrako salaketa jarri ondoren. Horrez gainera, talde ekologistak deitoratu duenez, taldekide guztiak identifikatzeko eskatu ei die enpresak poliziari: "Taldekide guztiak epaitu nahi dituzte 'kalteak eta indarkeria' delituak leporatuta".
Agharas eta Yala elkarteek etorkin gazteen errealitatea ezagutzera emateko topaketa antolatu dute, maiatzaren 21ean San Martin elizan. Izena emateko jvgrai@gmail.com eta 688 852 429
Aterpe Leioa Gazteguneak Zer sortuko duzu? komiki tailerra antolatu du maiatzeko eguenetan egiteko. Arratsaldeetan izango da 17:00etatik 19:00etara. Ekintza hori 12 eta 30 urte bitarteko gazteentzat dago zuzenduta. Izena emateko eta informazioa eskuratzeko deitu 944 055 850 telefono zenbakira, edo idatzi gazte@leioa.net helbide elektronikora.
Lilagunek sexu-aniztasunaz berba egiteko tailerra antolatu du, maiatzaren 17an ospatzen den Homofobia, Transfobia eta Bifobiaren Aurkako Nazioarteko Egunaren testuinguruan. Saio bi egingo dituzte, hilaren 20an eta 27an, eta, horietan, hainbat sexualitatez arituko dira, Nahia Rojo sexologoa eta psikologoa eta Izaskun Aranbarri sexologo eta LGTB+ militantea. Besteak beste, sexualitateen adierazpen, emozio, interakzio erotiko, gorputz eta plazerei buruzko hausnarketa egingo dute, eta ohiko sinesmenak eta aurreiritziak ere aztertuko dituzte.