Ezohiko uda ere izango da aurtengoa, jarduera kulturalei dagokienez behintzat. Hala, urtez urteko jaiak beharrean, udaldi osorako egitaraua prestatu dute oraingoan. Jarduerak eskolan eta Berangoeta kultur etxean jarritako karpetan egingo dituzte; Santa Anako jaietan, aldiz, auzo horretan jarritako karpan izango dira. Ekitaldi guztientzako edukiera mugatuta egongo da, eta aldez aurretik eskuratu beharko dira sarrerak, doan, Berangoeta kultur etxean.
Uztailaren 27an, 28an eta 28an, haurrentzako tailerrak egingo dituzte Berangoko Berangoeta kultur etxean. Txanda bi egingo dituzte, 10:00-11:45 eta 12:00-13:45. Horietan parte hartzeko ez da aldez aurretik izena eman behar, baina, lekua mugatua izango denez, lekuak bete arte sartu ahal izango da tailerrotan.
Atzo, martitzenean, hasiera eman zioten hasiera Kantauri itsasoari buruz jarduteko kongresuari. Hala, hiru egunez, Goñi Portal kultur etxean, Kantauri isurialdearen inguruko sekretuen inguruan arituko dira, goiz eta arratsaldez. Edukiera mugatua da, 20 pertsonara, baina Plentzia Telebistak online bidezko saioak eskainiko ditu, hemen.