Itsas-doinuak berriro ere datoz Getxora 35. HabaneragazJaialdiaren eskutik. Aurtengo egitaraua Kantabriako Rondalla al Sejo eskarmentu handiko taldeak irekiko du. Biharamunean, Ultramar boskote katalanaren Mediterraneoko erritmoak izango dira protagonista eta, amaitzeko, bertako Itxartu eta Biotz Alai abesbatzek borobilduko dute zikloa.
Gonzalo Portugal Bilbon jaiotako musikari bat da. Last Fair Deal taldeko abeslari eta gitarrista, Capsula, Landslide eta Edu Basterra Band bezalako proiektuetan parte hartu du, eta baita beste artista batzuen hainbat albumetan ere. Gitarra eta bakarkako ahotsa uztartzen dituen bere ikuskizun akustikoak blues eta folk doinuak biltzen ditu.
Ezohiko uda ere izango da aurtengoa, jarduera kulturalei dagokienez behintzat. Hala, urtez urteko jaiak beharrean, udaldi osorako egitaraua prestatu dute oraingoan. Jarduerak eskolan eta Berangoeta kultur etxean jarritako karpetan egingo dituzte; Santa Anako jaietan, aldiz, auzo horretan jarritako karpan izango dira. Ekitaldi guztientzako edukiera mugatuta egongo da, eta aldez aurretik eskuratu beharko dira sarrerak, doan, Berangoeta kultur etxean.
Bizarra Lepoan euskara elkarteak eta Bizkaiko Urtxintxa eskolak Astialdiko Begirale ikastaroa eskainiko dugu Getxon. Ikastaroa 2021eko urritik 2022ko maiatzera bitarteko zenbait asteburutan burutuko dugu. Guztira 150 ordu teoriko eta 160 ordu praktiko egingo ditugu. Urriaren 1era arte eman daiteke izena hemen: https://forms.gle/rNsKk2haRhRzsmdXA
Itzubaltzeta/Romoko ekitaldien ondoren, Getxoko Andra Mari auzoak hartuko dio lekukoa udalerriko aste kulturalen egitasmoari. Hala, irailaren 9tik 12ra bitartean, askotariko ekintzak egongo dira auzoan. Pandemia-egoera dela eta, ikuskizunetarako izena ematea beharrezkoa izango dela ohartarazi du jai-batzordeak. Horretarako, hemen.