Aste-akabu honetan magiak eta ikuskizun harrigarriek hartuko dituzte Erandioko kaleak, Erandio Magikoaren bosgarren edizioan. Fakirrak, magia eta umorea izango dira protagonistak Altzaga, Astrabudua eta Erandiogoikoan, bihartik domekara bitartean.
Musika, liburuak eta, batez ere, antzerkiagaz beteta dator iraileko kultur agenda Plentziara. Udalak hainbat jarduera antolatu ditu datozen egunetarako, eta horien artean nabarmentzekoa da hilaren 24, 25 eta 26an egingo den Artekale kaleko arte eszenikoei eskainitako jaialdia.
Bizarra Lepoan euskara elkarteak eta Bizkaiko Urtxintxa eskolak Astialdiko Begirale ikastaroa eskainiko dugu Getxon. Ikastaroa 2021eko urritik 2022ko maiatzera bitarteko zenbait asteburutan burutuko dugu. Guztira 150 ordu teoriko eta 160 ordu praktiko egingo ditugu. Urriaren 1era arte eman daiteke izena hemen: https://forms.gle/rNsKk2haRhRzsmdXA
Irailaren 22tik 26ra bitartean, soinu tradizionalak itzuliko dira Getxora, bere musika jaialdi ezagunenaren 37. edizioaren eskutik. Folkaren familia barneko transmisioa, musika genero horretan emakumeak duen papera eta Astor Piazzolla handiaren jaiotzaren mendeurrena izango dira aurtengo Jaialdiaren ardatza. Jatorri ezberdinetako soinuak protagonista izango dituzten adin eta gustu guztietarako emanaldiak izango dira. . EGUNA ORDUA MUXIKEBARRI PREZIOA 22 19.00 ROBERTO & MIREN ETXEBARRIA 8€ 23 19.00 JUDITH MATEO 10€ 24 19.00 AMPARANOIA 20€ 25 12.30 LOS TITIRÍTEROS DE BINEFAR GONBIDAPENA* 17.00 TRAKAMATRAKA GONBIDAPENA* 19.00 CARLOS NUÑEZ 20€ 26 12.00 BITARTEAN 8€ 19.00 FABIÁN CARBONE 100 AÑOS DE PIAZZOLLA 10€