Igandea, azaroak 14

Sukaldaritza Lehiaketa

Azaroaren 14an eta 28an, 2004 eta 2008 urteen artean jaiotako neska-mutilentzako Sukaldaritza Lehiaketa egingo dute Berangon. Horretan parte hartu gura dutenek, aldez aurretik eman beharko dute izena berangokogazteak@gmail.com helbide elektronikoan edo 688 630 830 telefono zenbakira deituta, azaroaren 12a baino lehen.

10:30

Erandioko XXXII. Herri Krosa

Erandioko Atletismo Eskolak adin guztietako korrikalarientzako XXXII. Erandioko Herri Krosa antolatuko du domeka honetan; urtero bezala, aurten ere premiazko produktuak batuko dituzte behartsuentzako. Lasterketen hasiera eta helmuga Tartanga kiroldegiaren ondoan egongo da, 10:30etik aurrera.

18:00

Umeentzako antzerkia: Tempus

Umeentzako antzerkia. Sarrera: 3/5 euro

18:00

Familia guztiarentzako antzerkia: "Zuhaitzak landatzen zituen gizona"

Antzezlan honetan, bakardadean bete-betean sartuta dauden bi gizon ikusiko ditugu beren buruekin adiskidetzen. Bat artzaina da, eta gogor egingo du lan bizileku duen basoa berritu eta lurra salbatzeko. Bestea bere buruaren bila ari den gazte bat da, borondatea eta eskuzabaltasuna erresilientziarako tresna ezin hobeak direla deskubrituko duena. Atzean, Europaren historiako gorabeherak, bi mundu-gerrak, kontzientzia ekologikoaren sorrera, politikaren diskurtso hutsala... Hori dena, naturarekiko ulermenetik, gizakiaren indar sortzailetik eta zehaztasun txikiekiko maitasunetik kontatuta. Sarrera: 6 euro

11:00

14:00

Bigarren Eskuko Liburu Azoka Solidarioa

Azaroaren 10etik 14ra, Bigarren Eskuko Liburu Azoka Solidarioaren 15. edizioa egingo dute Getxon. Oraingoan, azoka Romo Kultur Etxean egingo dute, eta bildutako dirua proiektu solidario batean erabiliko dute. Azokaren ordutegia honako hau izango da: 11:00etatik 14:00etara eta 17:00etatik 21:00etara (domekan, hilaren 14a, goizez irekiko da soilik).