Izurriteak eragindako geldialdiaren ostean, bueltan da Uribe Kostako Emakumeen Topaketa. Emakumeen Kontseiluak eta Uribe Kostako Mankomunitateak pandemiak emakumeengan izan duen eragina azpimarratuko dute topaketen XII. edizio honetan. Ekitaldia zapatuan izango da, 10:00etatik aurrera Urdulizko Kultur Etxean. Bertan, Nerea Barjola feminismo eta genero doktoreak parte hartuko du, eta gizarteak jasaten dituen indarkerien inguruan arituko da.
Txoko Feministak hitzaldiak, kontzertuak, tailerrak eta herri-bazkaria antolatuko ditu zapatu honetan, azaroaren 20an egingo dituzten III. Topaketa Feministak direla eta. Azaldu dutenez, herriko emakumean saretu eta antolatu gura dituzte, Erandioko mugimendu feminista indartzen jarraitzeko.
Itzubaltzeta/Romoko Lope de Vega kaleko nagusien etxearen eraisketaren kontrako kontzentrazioa egingo dute Xake plazan.
Mari Luz Estebanen eta Metrokoadroka kolektiboaren perfomace-a Doan.
Andoni Aresti Dantza Eskolak proposatzen duen lana, nazioarte mailan ibilbide garrantzitsua izan duten irakasle ezberdinek diziplina anitzeko eskola gazte honetan sortutako estilo ezberdinetako lan koreografikoetan oinarritzen da. Irakasleok formakuntza eskaintzen diete bai etorkizunean dantzari profesionalak izango diren ikasleei eta baita dantza mota ezberdinenganako pasioa daukan edozein pertsonari ere. Sarrera: 12 euro
Azaroak 19tik 28ra, Areetako Geltokiko plazan: Labirintoa. 12:00etatik 20:00etara. Azaroak 25, 19:00etan, Xake plazan manifestazioa, Kresala taldeak deituta; 19:30ean, Bizkaia zubiko puntu morean; eta 20:00etan, Telletxe plazan manifestazioa, Algortako mugimendu feministak deituta.