Ecuador Etxea eta Baskale elkarteen ekimenez, pentsionisten lau urteotako borrokaren berri emateko argazki-erakusketa hartuko du egunotan Algortako Abian kultur elkarteak. Aurkezpena bihar, urtarrilaren 2an, egingo dute, eguerdiko 13:00etan. Erakusketa hilabete osoan egongo da ikusgai.
Bihar, eguaztenean, berbalagunen kanpainaren bigarren izen-emate epea irekiko da, eta horren nondik norakoak ezagutarazteko asmoz, MintzaPoza tonbola kalera aterako dute eguaztenean eta barikuan, 18:00etatik 20:00etara, Algortan eta Itzubaltzeta/Romon, hurrenez hurren.