Plentziako EH Bilduk ibilbide interaktibo-historikoa eskainiko du Plentziatik. David Crestelok eta Txefek hiribilduko historia, antzinako merkataritza eta anektotak azalduko dituzte.
Sarrera: gonbidapenez. Dagoeneko eskuragarri.
Magiaz beteriko abentura hau 10 urteko Lewis mutikoa bere osaba Jonathanen etxe zahar eta misteriotsura doanean hasiko da. Une hartatik aurrera etxe barruan gauza harrigarriak gertatuko dira. Osabak sorginkeriazko mundu miresgarri bat erakutsiko dio eta mundu horrek bizia hartuko du Lewisek ustekabean hilak esnatzen dituenean. Steven Spielberg izan da familia osoarentzako abentura magikoa den “Horman Erlojua Duen Etxea” honen ekoizlea.
Emakumeek beren eskubideen eta berdintasunaren alde egindako borroka erakusten duen argazki-bilduma daborduko ikusgai dago Astrabuduko Josu Murueta kultur etxean. Bide luzea berdintasunerantz: emakumeak Euskadin XX. mendean esposizioa ekainaren 17ra arte egongo da.
Erakusketa osatzen duten 20 panelek museoaren etorkizuneko informazio arkitektoniko eta museografikoa jasotzen dute. Bertan, Asier Gómez argazkigilearen museoko piezen irudi-bilduma ere ikusi ahalko da hilaren 30a arte.
Ozeanoen Nazioarteko Eguna dela eta, Goazen Up elkarteak Plentziako itsasadarra garbitzeko deialdia egin du aste-akabu honetarako, hilaren 11 eta 12rako. Egun horietan, kostaldean pilatzen den plastikoa eta hondakinak batzeko ekintzak egingo dituzte familia guztiarentzako.
San Bernabe eta San Antonio jaiak ospatuko dituzte bihartik aurrera Faoetan eta Martiartun. Auzo erandioztar horietan familian ederto pasatzeko hamaika jarduera prestatu dituzte hurrengo egunetarako, hemen programa.