"Beste musikari bat besterik ez. Autokudeatutako musika librezalea. Estiloa? Anarkikoa, hainbeste estilo nahastu ondoren, estilo gabea". Hitz horiekaz deskribatzen du bere burua Porrumentzio musikariak. Bakarlaria. Edo ez hainbeste. Publikoagaz arituko baita emanaldian. Gorabeherak diskoa eman zuen argitara 2019an, Xixareen dantza izenekoa 2020an, Bularretik 2022 honetan bertan, eta, 2022ko irailaren 25ean, Erandion arituko da zuzenean, ez bakarka baizik eta publikoagaz.
Irailaren 23tik 25era surfagaz, musikagaz eta naturagaz zerikusia duten hainbat jardueraren erdigunea izango da Sopela, aste-akabu horretan ospatuko baitute Sopela Kosta Fest jaialdiaren bederatzigarren edizioa. Kontzertuak, inguruko ondarea ezagutzeko bisita gidatuak, surf-lehiaketak, parapentea eta irristatze-kirolakaz zerikusia duten hainbat jarduera egingo dituzte egun horietan. Ekintzetan izena emateko epea irailaren 20an itxiko dute.
Mesedeetako Andra Mariaren jaiak ospatuko dituzte barikutik domekara bitartean, Areetan. Ohi den legez, askotariko jarduerak egongo dira denen gozatzeko.