Datorren abenduaren 3an, zapatuan, kuadrillen arteko jaia egingo dute Berangon, frontoian. Egitarau oparoa prestatu dute horretarako, eguerdiko 12:00etatik aurrera, eta, besteak beste, bazkaria, bingo musikala, elektrotxaranga eta erromeria egongo dira.
Bi urtez etenda egon ostean, aste-akabu honetan bueltan da Mintzanet Eguna. Gainera, egitasmoak 10 urte beteko ditu aurten, abenduaren 3an, Euskararen Nazioarteko Egunean, hain zuzen ere, horregatik, antolatzaileek iragarri dute festa berezia prestatzen ari direla zapaturako, 2019tik aurrez aurre ikusi barik egon diren erabiltzaileakaz Getxoko Romo Kultur Etxean berriro elkartzeko.
Barrikako Euskal Dantza taldeko kideek 13:00etan dantzako dute frontoian. Kaleak Bizirik umeentzako ikuskizuna 18:00etan udaletxeko karpan. Eta amaitzeko, txokolatea!.
Euskaraldia agurtu eta Euskararen Nazioarteko Eguna ospatzeko, Lemoizko Udalak familia eta gazteenentzako diskofesta bat eta txokolatada bat antolatu ditu abenduaren 3an Armintzako pilotalekuan. Arratsaldeko 18:30ean emango diote hasiera ekitaldiari. Lemoizko Udalaren helburuen artean dago herriko esparru guztietan euskararen erabilera normalizatzea. Horretarako, sustatzen dituen jardueren bitartez, Euskaraldian eta Euskararen Nazioarteko Egunean parte hartzera animatu ditu herritarrak, hizkuntzaren erabilera biderkatzeko.
Euskararen Nazioarteko Eguna dela eta hainbat jarduera prestatu dituzte Erandion, besteak beste, Gozategi taldearen kontzertua.
Zapatuan, hilaren 3an, Euskararen Nazioarte Eguna izango da. Horregaz batera, abenduaren 2an amaiera emango diote baita hirugarren Euskaraldiari. Hori dela eta, eskualdeko udalerriek ekintza bereziak prestatu dituzte hurrengo egunetarako; hemen dituzue herriz herri egingo diren jarduera nagusiak.