Larunbata, martxoak 18
Euskadiko Apnea Indoor Txapelketa egingo dute zapatuan Algortako Fadura kiroldegian
Fadura kiroldegia, Getxo | Kirol-ekitaldiakEuskal Herriko Urpeko Jardueretako Federazioak antolatuta, Euskadiko Apnea Indoor Txapelketa egingo dute bihar, zapatuan, Algortako Fadura kiroldegiko igerilekuetan. Bertan, 09:30etik aurrera, 16 kirolari egongo dira norgehiagokan, tartean, Gari Iruretagoiena gipuzkoarra, azkenekoz Espainiako txapeldun dena.
10:00
Plentziako Putxera Eguna
Eleiz enparantza, Plentzia | Gastronomia-ekitaldiakGoizetik hasita, gisatu-usainak beteko ditu Plentziako Eliz plazako inguruak; izan ere, zapatu honetan, hilaren 18an, Putxera Eguna egingo dute. Lehiaketako izen-ematea 10:00etatik 11:30era bitartean egin beharko da, eta parte-hartzaileek merkatuan aurkeztu beharko dituzte euren putxerak, 14:00ak baino lehen.
10:00
Zurrumurrurik Ez topaketa eta Estrategiaren hamargarren urteurrena
Romo Kultur Etxea, Getxo | BestelakoakDatorren zapatuan, hilaren 18an, 10:00etatik 14:00etara, urteko Zurrumurrurik Ez Topaketa egingo dute Romo Kultur Etxean. Oraingoan, Getxoko Udalak sustatutako Zurrumurrurik Ez Estrategiaren hamargarren urteurrena ere ospatuko dute. Herritarrek parte hartzeko proiektua da, kulturarteko eta arrazakeriaren aurkako gizarte bategaz duten konpromisoan oinarritua, etorkizun inklusiboago bat eraikitzen lan egiteko, desberdintasunerako, diskriminaziorik ezarako eta tratu-berdintasunerako eskubidearen alde.
10:15
Irteera: Nordic Walking
Ibarreta plaza, Gorliz | Irteerak eta txangoakMartxoaren 18an Nordic Walking irteera antolatu dute Ibarreta plazan hasita, goizeko 10:15ean. Izen-ematea turismo bulegoan.
11:00
Berbaldia: Uribe Kostako panpa-lezka eta beste espezie inbaditzaileei nola egin aurre
Kurtzio kultur etxea, Sopela | Berbaldiak eta mahainguruakUribe Kostako Mankomunitateak eta hori osatzen duten udal guztiek ahaleginak bateratu gura dituzte, besteak beste, lurraldean ohikoena den panpa-lezka landare inbaditzailea desagerrarazteko. Horretarako, gai horri buruzko informazio eta prestakuntza-hitzaldia antolatu dute martxoaren 18rako, Kurtzio Kultur Etxean, 11:00etan.
13:00
Jabier Gallaga 25 urte espetxean!
Telletxe | ALGORTA, GetxoJabier Gallaga Ruiz, 25 urte espetxean! Kondena bikoitzik EZ! lelopean mobilizazioa egingo da Algortan, martxoaren 18an, 13:00etan, Telletxe plazatik hasita.→ https://labur.eus/KnIwtSARE Algorta #etxera
17:00
Kontzertuak: Mrs. Klams, Arratians eta Akatz
Txiberri taberna, Urduliz | MusikaSarrerak salgai jada 10 eurotan Plentziako Uriolan, Urdulizko Txiberrin eta Sopelako Laiaken. (Egunean bertan 12€)
20:00
Kontzertua: Habanerak. Mendibitarte Otxarkoaga abesbatza eta Ronda Aguilar
Merkatu Zaharra, Erandio | MusikaOtxarkoaga Abesbatza 1963an sortu zen, izena ematen dion Bilboko auzoan, Gorka Aulestiaren eskutik, eta 26 ahots misto ditu. Handik gutxira, Eladio Montiel izan zen zuzendari. Ia berrogeita hamar urtez aritu zen lanean, eta koruaren “alma mater” izan zen. Urte horietan zehar, Bizkaiko Koruen Federazioak antolatutako hainbat kontzertutan parte hartu du, federazio horren bazkide sortzaileetako bat ere izanik, baita beste hainbat lehiaketa eta jaialditan ere, gure lurraldean zein lurraldetik kanpo. Gaur egun Miren de Diego du zuzendari. 1985ean sortu zen, Marzas-etako kantuak kontserbatzeko asmoz, Kantabriako eta Palentziako mendietako tradizio bat, Aguilar Campooko Turismo Ekimenen Zentroak 1979an berreskuratua. Gaur egun, hamasei ahots baxu ditu, eta Marzas-etako tradizioari eusten dio; izan ere, urteko gainerako kontzertuakaz eta beste herri-ospakizun batzukaz uztartzen du, hala nola ezkontza bezperetako andregaientzako zorion kantuagaz.
Erakusketa ibiltaria: "Nik ere gehitzen dut"
Erakusketa ibiltaria, Barrika Berango Gorliz Lemoiz Plentzia Sopela Urduliz | Erakusketak
19:0019:00
Tailerra: Txatxarrak idazketa talde feminista
Azebarri Kultura Elkartea, Getxo | Ikastaroak eta tailerrakGarazi Basterretxea Bareak gidatutako idazketa tailer honetan, partaideek euren testu propioak sortuko dituzte euskal literaturako testuetatik abiatuta eta dinamika ludiko parte-hartzaileen bidez. Partaideei fikziozko lanak sortzeko tresnak emango zaizkie, gura dutenari buruz idatz dezaten. Besteak beste, poemak, ipuinak, eta narrazio laburrak landuko dira. Txokoa mistoa izango da eta testuak eta dinamikak ikuspegi feministatik hautatuko dira. Tailerra hilean behin egingo da, eguenetan 19:30etik 21:00etara, Azebarri Kultura Elkartean (Euskal Herria Kalea, 14, 48991 Getxo, Bizkaia). Hurrengo saioak honakoak dira: martxoaren 2an, apirilaren 20an, maiatzaren 4an, eta ekainaren 1ean. Izen-emateko: 619 93 55 41 / egizugetxo@gmail.com
09:0009:00
Erakusteka: "Nik ere gehitzen dut"
Ibarreta plaza, Gorliz"Nik ere gehitzen dut" erakusketa ibiltaria Ibarreta plazan. Martxoaren 16tik 19ra ikusgai.
