Larunbata, urriak 7

09:00

Munduko Arrozak

Aniztasuna normalizatzen eta jatorri desberdinetako pertsonen eta taldeen arteko bizikidetza eta harremana bultzatu gura duen ekimena egingo dute Leioako Boulevarden. Horretan parte hartzeko, izen-ematea hilaren 30era arte egongo da zabalik Sortarazi bulegoan (Iturriondo kalea 18), 09:00etatik 17:30era.

09:30

Hegaztien eraztunketa-jardunaldia egingo dute zapatuan Getxon

Hegaztien Munduko Eguna ospatuko dute zapatuan, urriaren 7an, eta, egun hori gogoan edukitzeko, Getxoko Ingurumen Zerbitzuak hegaztiei eraztunak jartzeko jardunaldia egingo dute, Getxonatura ekimen berriaren barne. Horren helburua da Bolueko hezeguneko hegazti-fauna, haien arazoak eta egiten dituzten jarduerak ezagutaraztea.

09:30

Inma Garcia eta Andrea Suarez: "Aurrerapauso nabarmena da Leioan gauden entitate guztiak batzea Munduko Arrozak antolatzeko"

Leioako Munduko Arrozak ekimeneko lehenengo edizioa ospatuko dute bihar, urriaren 7an, herriko Boulevard gune estalian. Hala, Uribe Kostako beste herri batzuek bezala, Leioa ere batuko da kultura aniztasuna eta inklusioa lantzeko ekimen horretara. Tokiko Udalararen laguntzagaz batera, herriko emakumeen eta migratzaileen erakunde kultural eta sozialek prestatu dute eguna, eta, horien artean, Sortarazi elkarteko Inma Garcia eta Andrea Suarez daude antolakuntzaren barnean. Haiekaz batu gara ekimenaren nondik norakoak ezagutzeko. 

11:00

Etxeko olioa kudeatzeko tailerra Barrikan, xaboia eta kandela ekologikoak egiteko

Hondakinak murriztu, berrerabili eta birziklatzeari buruzko kontzientziazioa pizteko asmoz, Barrikako Udalak hainbat tailer antolatu ditu Bizkaiko Foru Aldundiaren laguntzagaz. Saiook gazteei eta txikiei zuzenduta egongo dira; lehenengoa urriaren 7an izango da, olioa berrerabiltzearen garrantzia azpimarratzeko.

18:00

Antzerkia: "Arrainak Bihotzean"

Martik ez daki non bizi diren beldurrak, hortaz lasai bizi da kresal usaina duen herri polit batean. Aita marinela du eta portuan, bere zain dagoen egun gris batean, ekaitz batek uretara jaurtitzen du. Nahitaezko bidaia hasiko du itsas hondoan zehar, horretarako arrainen eta beldurren hizkuntza ikasi behar badu ere.

19:00

Goi-Alde Dantza Taldearen ikuskizuna: Erandioren historia dantzaren bitartez

Erandioko dantza-taldeak 55 urte bete zituen 2020an, baina pandemiaren eraginez ezin izan zituzten urteurreneko ekitaldiak egin. Orain, urriaren 7an, orduan prestatu zuten Erandioren historia laburbiltzen duen dantza-ikuskizuna plazaratuko dute 200 parte-hartzaile ingurugaz.

20:00

Antzerkia: "1836: Su biren artean"

Busterri Herri Antzerkia elkarteko kideek 1836: su biren artean antzezlana taularatuko dute.

17:00

17:00

Ingurugiro eta birziklapenari buruzko tailerrak bueltatuko dira Uribe Kostako Mankomunitatera

Irailetik aurrera eta ikasturte berriaren hasieragaz, ingurugiro eta birziklapenari buruzko Inguru Minguru tailerrak bueltatuko dira Barrika, Berango, Lemoiz, Plentzia, Urduliz eta Gorlizko udalerrietara. Tailerrak 4 urtetik gorago umeentzat zuzenduta daude, eta iraila eta urria arteko bariku orotan tailer bat emango dute Mankomunitateko herri bakoitzean, arrastiko 17:00etatik 19:00etara. Helburua da haurrei erakustea ingurugiroarekiko errespetua, besteak beste: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabearaztea, baita birziklatzea eta berrerabilpena bultzatzea ere.

18:30

Ilustrazio erakusketa: Aitite magikoa

Garazi Basterretxea idazleak eta Maite Mentxaka ilustratzaileak osatutako Aitite Magikoa ipuin ilustratuan oinarritutako erakusketa egongo da ikusgai Abian Kultur Elkartean (bidebarri 2 behea, Algorta). Garaziren aititerentzako urtebetetze opari gisa osatutako lanak doluaren eta memoriaren inguruan dihardu, pertsona maitatu baten galeraren ondorengo prozesua azaltzeko. Liburuak jasotzen dituen ipuinekin egin genuen bezala, argitalpenean erabilitako ilustrazio-teknika ezberdinez gozatzeko aukera izango dugu oraingoan,  irailaren 7tik urriaren 7ra bitarte. Lana 2022an argitaratu zuten, eta garai hartan Hirukak elkarrizketatu zituen bi sortzaileak.

16:30

16:30

Sexu hezkuntza eta heziketa emozionaleko begirale ikastaroan izena emateko epea zabalik dago irailaren 30era arte

18 eta 29 urte bitarteko gazteei zuzendutako sexu hezkuntza eta heziketa emozionaleko begirale ikastaroa egingo dute Sopelako Kurtzio Kultur Etxean. Zehazki, Sopela, Berango, Barrika, Gorliz, Leioa, Lemoiz, Plentzia eta Urdulizen erroldatutako lagunentzako ikastaroa da, betiere tokiko elkarteetako edo kolektiboetako partaideei zein banakoei zuzendutakoa: magisteritza, pedagogia, psikologia ikasleak, begiraleak, entrenatzaileak, etab. Izena eman daiteke aurrez-aurre Sopelako Kurtzio Kultur Etxean, astelehenetik barikura (09:00-14:00/16:00 -20:00) eta zapatu eta domekatan ere (11:00-14:00/17:00-20:00). Halaber, online ere egin daiteke hemen.

10:00

20:00

Erakusketa: "Heltzen zaizkidan irudiak. Haitzuloetatik ezerezera"

Sorne Gorozika: "Pintura-erakusketa hau bi zatitan banatuta dago. Kanpotik  heltzen zaizkidan irudiak ia beti dira espezie desberdinetako ‘jendearen’ erretratuak. Barnekoak, ordea, nire buruan bueltaka agertzen dira, eta euskarri batean geldi uzten saiatzen naiz. Irudi horietako batzuk gizakiaren desnaturalizazio-prozesuaren ideian daude integratuta, haitzuloetatik ezerezera deritzodan prozesuan". » Non: Erakusketa gelan» Egunak: Irailaren 22tik urriaren 22ra» Ordutegia: Astelehenetik ostilarera 10:00etatik 20:00etara. Larunbatak eta igandeak, 10:30etik 14:00etara eta 16:00etatik 20:00etara» Sarrera: Doan  

12:00

21:00

Andrakako San Frantzisko jaiakaz herritarrek ongi etorria emango diote udazkenari

Uda bukatu arren, oraindino ez dira auzo guztietako jaiak bukatu. Hala, Andraka auzoko herritarrek plan ezin hobea dute hilabeteari hasiera emateko: urriaren 4tik 16ra bitartean San Frantzisko jaiak ospatuko dituzte. Besteak beste, puzgarriak, umeentzako herri-kirolak, baita ume eta nagusientzako mendi martxa bat ere antolatu dute. Modu horretan, natura, ohiturak eta musika elkartuko dituzte udagoienean ere jaiez gozatzeko.

08:00

ARGAZKI ERAKUSKETA; Kurdistan: emakumea, biziotza eta askatasuna.

Kurdistanen inguruko argazki erakusketa antolatu du Abian Kultur Elkarteak Algortako merkatuan (Torrene, 4). Ikusgai egongo da astelehenetik ostiralera, 08:00-14:00 artean. Herriko dendetan erosi eta bitartean kulturaz gozatzea ez da gauza makala. Animatu eta pasa zaitez.

16:00

19:00

Sportjam Surftest Tour azoka Sopelara iritsiko da urriaren 6tik 8ra

Angeluko Chambre d 'Amourren eta Donostiako Kursaaleko terrazetan azokak izugarrizko arrakasta izan ondoren, Sportjam Surftest Sopelara iritsiko da urriaren 6tik 8ra bitartean. Sopelako Udalak kontzeptu interaktibo berritzaile bat jarriko du martxan aurten ere, non bisitariak doan eta libreki probatu ahal izango duen erakusgai dagoen edozein produktu, hondartza osoan zehar edo zuzenean uretan. Azoka bariku arrastitik domekara egingo dute eta sarrera doakoa izango da. Ordutegia honako hau izango da: barikuan 16:00etatik 20:00etara, zapatuan 11:00etatik 20:00etara eta domekan 11:00etatik 19:00etara.

19:00

21:00

41. Getxo Eszena

Barikuan, hilaren 6an, hasiko da arte eszenikoak oinarri hartuko dituen Getxo Eszena programaren 41. edizioa. Hala, hilaren 22ra bitartean, askotariko diziplinetako ikuskizunen eskaintza zabala hartuko du udalerriak; guztira, 10 lan antzeztuko dira Muxikebarri antzokian, gehienak euskal konpainien eskutik. Sarrerak ohiko salmenta-lekuetan erosi ahal izango dira.

19:30

15:00

Extremadurako XLII. Aste Kulturala

Astrabuduko Hogar Extremeño elkarteak XLII. Aste Kulturala egingo du gaurtik hilaren 15era bitartean. Bea Bernal da elkarteko presidentea eta azaldu duenez, "Lan handia eskatzen du ekintza guztiak antolatzea, baina gero emaitza eta auzoak nola erantzuten duen ikustea oso pozgarria da". 

20:00

10:30

Plentziako Uriaren urteurrena

Urriaren 6tik 8ra bitartean, Plentzia ekitaldiz beteko dute hiribilduaren urteurrena ospatzeko; izan ere, aurten 724 urte beteko dira 1299. urtean Diego Lopitz V.a Harokoa Bizkaiko Jaunak hiribilduaren aintzatespena eman zionetik. 

18:30

12:00

Bizkaiko Txakolina & Musika

Bizkaiko Txakolina eta musika uztartzen dituen jaialdiaren edizio berri bat egingo dute aste-akabu honetan, urriaren 7 eta 8an, Leioako Mendibile jauregian. Bertan, Bizkaiko txakolinaren sekretuak ezagutzeko dastaketakaz batera, mokadu ederrak dastatzeko aukera egongo da, musikak-programa zabalak lagunduta.