Larunbata, urriak 28
10:00
Gazteen artean boluntariotza-lanen berri emateko saio irekia egingo dute urriaren 28an Berango Gazte Laben
Berango Gazte Lab, Barrika Berango Gorliz Leioa Lemoiz Plentzia Sopela Urduliz Uribe Kosta | Berbaldiak eta mahainguruakEskualdeko 16 urtetik gorako gazteei zuzendutako boluntariotza programen berri emateko saio irekia egingo dute urriaren 28an, zapatuan, Berangoko Berango Gazte Lab zentroan (Sasiarte kalea, 4). Saioa 10:00etatik 12:00etara artekoa izango da, eta interesa dutenek aldez aurretik eman dezakete izena 946 782 428 telefono zenbakira deituta.
10:30
Bulaerreko minbiziaren aurkako martxa solidarioa egingo dute datorren zapatuan Berangon
Nagusien Etxea, Berango | Irteerak eta txangoakAtzo, eguenean, Bularreko Minbiziaren Nazioarteko Eguna izan zen eta, hori aprobetxatuta, gaitz hori gizarteratzeko asmoz, martxa solidarioa egingo dute datorren zapatuan, hilaren 28an, Berangon. Ibilaldia ordubetekoa izango da, eta hitzordua goizeko 10:30ean jarri dute, Nagusien Etxean.
12:30
Herri kirolak nagusi izango dira zapatu honetan Algortan
Biotz Alai plaza, Getxo | Kirol-ekitaldiakZapatuan, hilaren 28an, herri kirolen hitzordu bi hartuko ditu Algortako erdiguneak. Izan ere, 12:30ean, Bizkaiko Emakumezko Binakako Pentatloi Txapelketa hartuko du Biotz Alai plazak. Aldi berean, Bizkaiko Gizonezkoen 1go Harrijasotze Kanporaketa izango da leku berean.
16:3016:30
Sexu hezkuntza eta heziketa emozionaleko begirale ikastaroan izena emateko epea zabalik dago irailaren 30era arte
Kurtzio kultur etxea, Sopela | Ikastaroak eta tailerrak18 eta 29 urte bitarteko gazteei zuzendutako sexu hezkuntza eta heziketa emozionaleko begirale ikastaroa egingo dute Sopelako Kurtzio Kultur Etxean. Zehazki, Sopela, Berango, Barrika, Gorliz, Leioa, Lemoiz, Plentzia eta Urdulizen erroldatutako lagunentzako ikastaroa da, betiere tokiko elkarteetako edo kolektiboetako partaideei zein banakoei zuzendutakoa: magisteritza, pedagogia, psikologia ikasleak, begiraleak, entrenatzaileak, etab. Izena eman daiteke aurrez-aurre Sopelako Kurtzio Kultur Etxean, astelehenetik barikura (09:00-14:00/16:00 -20:00) eta zapatu eta domekatan ere (11:00-14:00/17:00-20:00). Halaber, online ere egin daiteke hemen.
16:0019:00
Ekin Bidaia gazte ekintzailetzako programa abiarazi dute Uribe Kostan
Leioa enpresen mintegia, Barrika Berango Gorliz Leioa Lemoiz Plentzia Sopela Urduliz Uribe Kosta | Ikastaroak eta tailerrakEkin Bidaia gazteekintzailetzako programa abiarazi du Bizkaiko Foru Aldundiak Uribe Kostan eskualdeko Udalakaz duen Gaztedi Uribe Kosta hitzarmenaren bidez. Programa horrek ideia batetik abiatutako proiektu ekintzaileei laguntza ematen die, kontzeptu horretan sakonduz eta abian jartzeagaz lotutako alderdi guztiak landuz. Horretarako, bidaiaren analogia erabiliko dute: irteeratik (ideia) helmugaraino (azken proiektua), geldialdi desberdinez osatutako ibilbidea egingo dute. Parte hartzeko ondorengo inprimakia bete daiteke urriaren 19a baino lehen: izen-ematea hemen.
19:0019:00
Latsarriaren memoria eta euskal mitologia izango dira Gorlizko Ondarearen Europako Jardunaldien protagonistak
Gorlizko udaletxea, GorlizUrrian hainbat ekimen antolatu ditu Gorlizko Udalak Ondarearen Europako Jardunaldien barnean. Besteak beste, hilaren 20an, Latsariak dokumentala proiektatuko dute Gorlizko udaletxean, arrastiko 19:00etan. Hala, herriko emakumeen bizipenen eta testigantzen lekuko izan zen gunea oroitu gura dute, izan ere, emakumeen harreman sozialerako topagune izan ziren horiek. Halaber, Sertutxena eraikinean Mitologia pertsonaiak erakusketa egongo da ikusgai hil osoan zehar. Bertan, Aritza Bergara idazleak egindako deskribapenak eta kondairak egongo dira. Bukatzeko, urriaren 31n, Gau Beltza ospatuko dute: arrastiko 17:00etatik aurrera Ibarreta plazan, musika, dantza tradizionalak eta jatekoa eskainiko dituzte. Hala, Gorlizko bizilagunek herriko euskal kultura eta mitologia ezagutzeko aukera izango dute gau ahaztezin batez gozatzen duten bitartean.
19:3011:00
Leioako XXXII. Aste Mikologikoa
Leioa | Gastronomia-ekitaldiakGaurtik domekara bitartean, aste mikologikoa antolatuko du Leioako Zazpi Mikologia Elkarteak. Besteak beste, adituen berbaldiak, irteera mikologikoa eta 200 perretxiko eta onddo mota batuko dituzten erakusketak egingo dituzte egunotan.
10:0020:00
Dastatu urria jaialdia egingo dute Gorlizen urriaren 27tik 29ra bitartean
GorlizGorlizko Ibarreta Plaza herriaren erdigune gastronomiko bihurtuko da urriaren 27, 28 eta 29an Dastatu Urria jaialdiagaz: eskualdeko garagardo artesanalak ezagutzeko aukera paregabea izango da perretxikoak osagai nagusi dituzten pintxoak dastatzen diren bitartean. Ohikoa denez, udagoienaren etorrerak mota horretako onddoa biltzeko sasoiaren hasiera markatzen du, eta hori aprobetxatuz, Udalak hiru egunetan zehar garatzen den programazio oparoa antolatu du.
18:3022:00
Berangoztarrak Gau Beltzean murgilduko dira urriaren akabuan
Berango, Berango | JaiakUrriaren 28an eta 31n Euskal Herriko gaurik ilunena ospatuko dute Berangon. Horretarako, askotariko jarduerak egingo dituzte, hala nola txokolate-dastaketa, mozorro-lehiaketa eta -desfilea, eta kontzertua. Hala, adin guztietarako eskaintza egongo da udalerrian bi egunotan.
