Igandea, abenduak 1

12:00

Mobilizazioa: Oztopoak oztopo, euskaraz bizi Getxon!

Euskaldunok euskaraz bizitzeko eskubidea dugu Getxon; hala aitortzen digu legeak, baina eskubide hori urratua ikusten dugu egunerokoan. Aldaketak bultzatzeko eta behingoz euskaraz bizitzeko trabak ezabatzeko, herritarrok gure esku dagoena egiten jarraitu beharko dugu. Euskararen Nazioarteko Egunaren bueltan, bi eskaera egin nahi dizkizuegu Bizarra Lepoan elkartetik Getxoko euskaldunoi. Egunerokoan zuen hizkuntza-eskubideak urratzen badituzte, salatu. #euskarazbizigetxon, Behatokia eta Elebide erabili horretarako.  Zatozte Portu Zaharrera igande honetan, abenduaren 1ean, 12:00etan. Korrontearen kontra ari garela pentsa genezakeen arren,  inori kontra egin gabe ari gara gurearen alde egiten.

13:30

GENOZIDIOA STOP! Itzubaltzeta-romo Palestinarekin

Palestina, Estatu Batuek, Europar Batasunak eta nazioarteko komunitatearen zati handi batek emandako inpunitatearekin benetako genozidioa pairatzen ari da Israelen eskutik.Bi daturen bidez soilik ikusaraz dezakegulako genozidio palestinarraren irismena: Israelgo armadak, Israelgo estatuak alegia, dagoeneko 42.000 palestinar baino gehiago erail ditu, horietatik gehienak haurrak direlarik, eta Gazako kaleen eta azpiegituren %70 suntsitu ditu.Gernika-Palestina Itzubaltzeta-romo Herri Ekimenak mobilizazioak hasi ditu hileko lehen igande guztietan Xake plazan, 13:30ean , Palestinari elkartasuna adierazteko, eta berehalako su-etena eta Palestinaren kolonizazioari eta okupazioari amaiera emango dion eta herri palestinarraren eskubide nazionalak errespetatuko dituen ebazpen politiko integrala EXIJITZEKO.Palestinak gure elkartasuna behar du. Ezin dugu Palestina bakarrik utzi. Palestinako herriak bere etorkizuna erabakitzeko, aske izateko eta duintasunez bizitzeko eskubidea du.

11:00

Elanchove lurrunontziaren hondoratze misteriotsua

Abenduaren 1ean, Elanchove lurrunontziaren hondoratze misteriotsua erakusketa inauguratuko dute Plasentia de Butron Museoan. Erakusketa Idoia Ibañez Espainiako Merkataritza Itsasketako lehen emakume kapitainak komisariatuko du, eta Merkataritza Itsasketako Kapitainen Bizkaiko Elkartearen laguntza izan du. Erakusketak enigma historiko bat argitzea ez ezik, kaltetutako familiei omenaldia egitea ere bilatzen du, erantzunen zain dauden galderez betetako iraganari leiho bat irekitzeko xedeagaz.

12:00

Nazioarteko Euskararen Eguna Uribe Kostan

Uribe Kostako Zerbitzu Mankomunitateak bat egingo du abenduaren 3an ospatuko den Nazioarteko Euskararen Egunagaz, eta, horretarako, eskualdeko zazpi udalerritan hainbat jarduera egingo dituzte. 

19:00

Lemoizko Udala herritarrakaz bilduko da hurrengo hiru asteetan, herria hobetzeko asmoz

Lemoizko Udalak herritarrei irekitako hiru bilera antolatu ditu datozen asteetarako, bat auzo bakoitzean. Topaketa horien helburua da legegintzaldi honetan egin diren aurrerapenak aurkeztea eta denon artean  herriarentzat etorkizun hobea sortzea ahalbidetuko duten lankidetza-moduak aztertzea, betiere fokua auzo bakoitzean jarriz.